Sereńko 102:13 - সান্তালী বাইবেল

¹³ Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

Sereńko 102:13 Referans Kwoze

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Sereńko 44:26

Dela hijukʼme, ar goṛowaleme; amakʼ asambheṛ dayate chaḍaoleme.

2 Patras 3:8

Menkhan E dulạṛiạ boehako, noa katha do alope hiṛińa, Probhu Isor ṭhen mitʼ din do hajar bochor soman kana ar hajar bochor do mitʼdin soman kana mente.

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

2 Patras 3:12

Unre serma do lokʼte ḍahao maraokʼa ar siń cando, ńindạ cando ar ipilko hõko atarokʼa arko galao cabakʼa.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Daniel 12:9

Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Sereńko 75:2

Am dom meneda, “Ṭhik okteń bachao joṅa, ar ińge hok reakʼiń bicạra.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Sereńko 92:9

E Probhu Isor, amren bạiriko doko maraokʼa, hẽ, onko doko caba utạrokʼa; ar dusṭạmiko do jotogeko chirchạturokʼa.

Sereńko 135:13

E Probhu Isor, amakʼ ńutum do jaejug hạbicʼ tahenkana. E Probhu Isor, piṛhi cetan piṛhige amakʼ ńutum disạkʼtama;