Sereńko 101:4 - সান্তালী বাইবেল

⁴ Ińakʼ ontorre phẽpṛa mon do bạń dohoya; bạṛicʼko sãote jãhãn helmel hõ baṅ tahentińạ.

Sereńko 101:4 Referans Kwoze

Kạhtukko 11:20

Okoekoakʼ ontor peṛtage Probhu Isor do onkoe kurudako kana, menkhan khạṭi jion khemaoko cetanre doe kusikʼkana.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Kạhtukko 22:24

Ṭheṭa hoṛ sãote do alogem gatekʼa; ar okoe usạrateye raṅgao hodokʼ uni sãote hõ alom soṅgekʼa.

Kạhtukko 9:6

Lelhako sãote gatekʼ do bạgime, inạ khanem bańcaokʼa; am do budan reakʼ horte taṛamme.”

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Sereńko 119:115

Ape okoe do bạṛicʼakʼpe kạmikan, ape do iń khon men pharakokʼpe, jemon ińren Isorakʼ hukumkoń doho daṛeakʼ.

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

Sereńko 6:8

E bạṛicʼ kạmiyetʼkan hoṛko, ape sanamkoge iń ṭhen khon men ńirjoṅpe, ente Probhu Isor do ińakʼ rakʼe ańjom akatʼtińạ.

2 Korinthiko 11:33

Menkhan pạcrire oka jalna tahẽkan ona bhitrite mitʼṭecʼ khạclạkʼte onko do bahreteko paromgotʼ kạdińạ, ar nonkate iń do uniyakʼ ti khoniń ńir bańcaolena.

Sereńko 26:4

Iń do eṛe hoṛko tulucʼ bạń duṛubokʼkana, ar bhõnḍko sãote hõ bạń gatekʼ kana.

Sereńko 26:5

Ar okoeko bạṛicʼakʼko kạmikan onko doń hirkhạwako kana; ar bedhorom hoṛko sãote hõ bạń duṛupʼ kana.

Kạhtukko 29:27

Dhorom hoṛ do behoketʼ hoṛko hirkhạ mẽtʼteko ńelkoa, ar sojhe horte calakʼ hoṛ do bedhorom hoṛko hirkhạwaea.