Sereńko 100:1 - সান্তালী বাইবেল

¹ E dhạrtiren sanam hoṛ, ape do Probhu Isor oṛhẽ sereńaepe.

Sereńko 100:1 Referans Kwoze

Sereńko 98:4

Dhạrtiren sanam hoṛ, ape do Probhu Isor ńutumte rạskạkʼpe; ar rạskạte andoṛpe ar sarhao sereńpe.

Luk 19:37

Ado Jerusalem sor reakʼ okaṭakʼ hor do Jạitun buru khon pheḍ hecʼakan ona soṛokreye seṭerena. Ar uni sãote uniren ạḍi utạr cela hõko tahẽkana. Onko do uniyakʼ hahaṛa kạmiko ńelletʼte rạskạte ãṭ aṛaṅte Isor sarhaoete memenko ehopʼena,

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Romiko lạgitʼ Pạul Apostolakʼ ciṭhi 15:10

Arhõe meneda, E ape boṅgan hoṛ jạtrenko, ape do Isorren hoṛko tulucʼ uni sarhaoepe.

Sereńko 66:1

Dhạrtiren manwako, ape jotoge Isor sarhao sereńaepe.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

Sereńko 47:1

E sanam jạtrenko, ape do thayoype; ar Isor ńutumte hulạs aṛaṅpe.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Sereńko 67:4

Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Sereńko 68:32

E dhạrtiren rajko, Isor sarhao sereńaepe, ar Probhuge sarhao sereńaepe. (Sela)