Sereńko 10:7 - সান্তালী বাইবেল

⁷ Uniyakʼ moca do sarap, ṭhok ar jorjulumte perecʼgea; uniyakʼ alaṅre do behok ar bạṛicʼakʼ reakʼ katha menakʼa.

Sereńko 10:7 Referans Kwoze

Sereńko 7:14

Bedhoromicʼ do kukhire bạṛicʼakʼkoe dohoyeda, ar kukhire bạṛicʼakʼe dohoyte bedonreye paṛaokʼa ar eṛeyakʼkoe janam ocoya.

Jobakʼ 20:12

“Bạṛicʼakʼ uniyakʼ mocare heṛemge ạikạulenre hõ ar alaṅ latarre onae oko dohokakʼre hõ,

Sereńko 144:11

Rukhiyạyińme, ar eṭakʼ jạtrenkoakʼ ti khon bańcaoińme; onkoakʼ moca do phạsiạrate perecʼgea; onko do jojom ti tulkate ạuṛiyakʼko kiriạkʼa.

Sereńko 140:9

Okoe ińko esetʼ ạcur akadiń ar onkoakʼ moca okako behok akatʼ ona do onkoakʼ bohokʼrege paṛaokʼma.

Sereńko 140:3

Onko do biń leka akoakʼ alaṅko laser akada; onkoakʼ luṭire do bińakʼ bisge menakʼa.

Sereńko 73:8

Onkoakʼ kathare do ṭiṭkạri ar hiskạ menakʼa; bạḍạite onko do santao reakʼ botorko udukʼetʼa.

Sereńko 64:3

Onko do tarwaṛe leka akoakʼ alaṅko dhar akatʼtakoa, onkoakʼ haṛhatʼ katha do akʼ sarreko lagao dohoakada;

Sereńko 59:12

Onkoakʼ moca reakʼ kại ar luṭi reakʼ kathare okaṭakʼ ạsis ar eṛeteakʼ menakʼ, onate onkoakʼ bạḍại iạteko sabokʼma.

Sereńko 52:4

E phạsiạricʼ alaṅ, am do okaṭakʼ nonosṭowakʼkan onagem kusiyakʼ kana.

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Kạhtukko 30:8

Phạsiạra ar eṛe katha do iń khon pharakme, reṅgecʼ hõ alom hoeocoyińa ar acel pacel dhon hõ alom imạńa jạruṛokʼ bhor baṛe jom ocoyińme.

Kạhtukko 21:6

Eṛe alaṅte okoe dhonko hameṭetʼkan onko do moronko ńam baṛayeda; onko lạgitʼ ona dhon hameṭjoṅ do gujukʼ lahare thoṛagan suk reakʼ sãhetʼkana.

Sereńko 144:8

Onkoakʼ moca do phạsiạrate perecʼgea; onko do jojom ti tulkate ạuṛiyakʼko kiriạkʼa.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Sereńko 58:3

Janam khonge phạsiạrako do bạṛicʼ horteko calakʼkana; ar eṛe katha roroṛko hõ janam khonge bạṛicʼ horteko sen adokʼkana.

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 41:6

Onkoren jãhãege iń ńeńelko hecʼlenre onko do iń tulucʼ bạṛicʼakʼko roṛa; ar iń upạrte nindạu reakʼ kathako jogaṛa ar bahrere senkate onako lại baṛaea.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 5:9

Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.

Jobakʼ 15:35

Onkoakʼ kukhire do dusṭạmi tahena ar bạṛicʼakʼko busạkʼjoṅa; ar onkoakʼ lacʼre do phikirkoge gaṛhaokʼtakoa.”

Sereńko 50:19

Bạṛicʼ katha lạgitʼ amakʼ moca do jhicʼgetama, ar amakʼ alaṅ do phạsiạrateakʼ kathae roṛa.

Sereńko 59:13

Am do edrete onko marao giḍikakome, jemon onko do ar bako tahen; ar nonkate dhạrtiren sanamkoko baḍaea, Isorge Jakob bõsrenko cetanreye rajokʼa mente. (Sela)

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.