Sereńko 10:18 - সান্তালী বাইবেল

¹⁸ Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

Sereńko 10:18 Referans Kwoze

Sereńko 82:3

Reṅgecʼko ar ṭũạr amarkoakʼ hok reakʼ bicạrpe, nacar ar eken ti hoṛkoakʼ hõ hok reakʼ ạidạri rukhiyạitakope,

Sereńko 9:9

Okoe santaoreko paṛao akan, Probhu Isorge onkoren asray doe hoyokʼma ar gạr jokhecʼren do aotan gaṛge.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 74:21

Santao ocokʼkan hoṛ do lajaokate alom ruạṛ ocokoa; nacar ar reṅgecʼko do amakʼ ńutumko sarhaotam ma.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Dosar Biboron 10:18

Uni do ṭũạr amar ar rạnḍikoakʼ hoke chinḍạuetʼtakoa ar ape talareko girobasokʼkan por jạtrenko hõe jom ocoyetʼkote acʼakʼ dulạṛe sodoreda. Are horokʼ bande ocoyetʼkoa.