Sereńko 10:15 - সান্তালী বাইবেল

¹⁵ Bedhorom ar bạṛicʼ hoṛakʼ ektiạri do caba utạrme baṛe; ar uniyakʼ sanam behok reakʼ hisạb hataome.

Sereńko 10:15 Referans Kwoze

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Sereńko 37:17

Bạṛicʼ hoṛkoakʼ ti do rạpudokʼ takoa, menkhan Probhu Isor botoraeko doe sapʼ sambṛaoetʼkoa.

Jobakʼ 38:15

Bạṛicʼ hoṛkoakʼ marsal doe ĩṛĩcʼ ocoyeda, ar onkoakʼ epel akatʼ ti do rạpudokʼ kana.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Sakariạ 11:17

“Hae, uni lelha gupiyicʼ do, one okoe do palrenko bạgikateye calakʼ kan! Tarwaṛe do uniyakʼ ti ar jojomsa reakʼ mẽtʼgeye ghạltaea. Onate uniyakʼ ti do borojokʼtaea ar uniyakʼ jojomsa reakʼ mẽtʼ do kãṛãkʼtaea.”

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jeheskel 23:48

“E Ohola ar E Oholiba nonkage iń do disạm tala khon bạṛicʼ kạmiń caba ocoya jemon sanam maejiuko cehaokʼte aben leka nilạjiạwakʼ aloko kạmi.

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.