Sereńko 10:14 - সান্তালী বাইবেল

¹⁴ Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Sereńko 10:14 Referans Kwoze

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Jirimiạ 49:11

Amren ṭũạr amarko bạgi oṭowakome; iń do onkoakʼ jiwiń rukhiyạitakoa. Amren rạnḍi maejiuko hõ ińreko bhorsakʼma.”

Sereńko 55:22

Amakʼ sanam bojha do Probhu Isorge ladeaeme, unige am doe bondobosama; ar acʼ botoraeko do tis hõ bae ṭasak ocokoa.

Dosar Biboron 10:18

Uni do ṭũạr amar ar rạnḍikoakʼ hoke chinḍạuetʼtakoa ar ape talareko girobasokʼkan por jạtrenko hõe jom ocoyetʼkote acʼakʼ dulạṛe sodoreda. Are horokʼ bande ocoyetʼkoa.

1 Patras 5:7

Apeakʼ sanam dạndiko unire lade giḍikakʼpe, ente uni do ape reaṅe dạndikʼ kana.

1 Patras 4:19

Enḍekhan Isorakʼ monejoṅ lekate okoe dukko sahaoetʼkan, onko do akoren pạtiạricʼ sisirjạuicʼakʼ tire apnartetʼko jimạkʼma ar bhage kạmiko kạmi idima.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Jirimiạ 51:56

Babel upạrte jarkharkoko hijukʼa; uniren birbão hoṛ doko sapʼ ocokʼa ar onkoakʼ akʼ do rạpudokʼtakoa; ente Probhu Isor do hala hạliren Isor kanae; Babel reakʼ kuṛại do purạtegeye emaea.

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

Sereńko 35:22

E Probhu Isor, am do noakom ńeleda, am do alom thir hapekokʼa; E Probhu Isor, am do iń sorrege tahenme.

Sereńko 22:11

Am do iń khon pharakre alom tahena, ente ińakʼ muhin do sor hijukʼ kana, iń goṛowạń lạgitʼ do celege bạnukʼkoa.

2 Bõsbudạ 6:23

enḍekhan serma khon uniyakʼ katha ańjomtaeme ar ona leka kạmime. Unre amren gutikom bicạrkote dos akatʼ reakʼ jo do bohokʼrem ladeaete dusi mentem sạbudea ar bin dusiyicʼ do uniyakʼ kạmi leka kuṛạiyem emaete bin dusi kanae mentem sạbudea.

2 Rapajko 9:26

‘Iń Probhu Isorgeń meneda, iń do hola Nabat ar uniren hoponkoakʼ mãyãmiń ńel akada, ar niạ jumi cetanre khạṭige uni reakʼ am ṭheniń hala ruạṛa.’ Enḍekhan Probhu Isorakʼ katha leka ńitokʼ kuṭuṅ rakapʼkate ona jumire giḍikaeme.”

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Genesis 31:12

Uniye metadińạ, ‘beṅgetʼkate ńelme, merom pạṭhiko cetanre okoe bodako dejokʼkan onko do kabra kabra lạṭu ar kạṭicʼ chapan kanako. Ar Laban amre okae ceka akatʼ ona do jotogeń ńelakada.

Exodus 2:25

Uni do Israelko secʼe beṅgetʼkeda ar onkoe moneyatʼkoa.

Exodus 22:22

“Jãhãe rạnḍi maejiu se jãhãe ṭũạr amarko alope kosṭokoa.

Exodus 22:26

Jãhãeakʼ oyon kicricʼ bondhokem dohoakatʼ khan siń cando hạsurokʼ laharege ona do ruạṛkatae hoyokʼa,

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Sereńko 68:6

Apnarakʼ mente okoeyakʼ bạnukʼtae uni do acʼakʼ gharońjren hoṛe hoeocoyetʼkoa; ar bondiko chaḍaokate bhạlại secʼe idiyetʼkoa, menkhan uni tạkicʼ daram edekanko do khaṅgoṭ disomreko tahenkana.

Kạhtukko 15:25

Probhu Isor do bạḍạikoakʼ oṛakʼe rạputʼeda, menkhan rạnḍi ar dukhikoakʼ simạ doe ṭarhao aroeya.

Rak̕joṅ 3:59

E Probhu Isor, ińre oka behokakʼ hoyakan ona dom ńel akatʼgea. Dhoromte baṛe bicạrkạtińme.

Rak̕joṅ 3:60

Onkoakʼ sanam hala hạli dom ńelakatʼgea, iń upạrte joto soṛojontro reakʼ hõm ńelakada.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.