Sereńko 10:13 - সান্তালী বাইবেল

¹³ Bedhorom hoṛ do Isor cedakʼe nihạ̃t giḍikaea? Ar mone monete cedakʼe meneda, “Uni do iń ṭhen jãhãn hisạb bae hataoa mente?”

Sereńko 10:13 Referans Kwoze

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Genesis 9:5

Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

Dosar Biboron 29:18

Teheń ape talare nonkan herel hoṛ se maejiu se jãhãe gusṭirenko aloko tahenma okoe do aperen Probhu Isor bạgikate onko boṅgako sewawako lạgitʼe lilkạrokʼkan. Ar jãhãe nonkanicʼ menae khan uni do ape talare mitʼṭecʼ rehetʼ leka kanae okoe do sesre bis ar nagdanae upcạu ocoy.

Jobakʼ 24:12

Nagrahakore manwakoakʼ geraṅ ańjomokʼkana, ar ghạl akan hoṛ do goṛo ńam lạgitʼko guhereda; menkhan Isor do onkoakʼ rakʼjoṅakʼ bae moneyakʼkantakoa.

Jobakʼ 24:23

Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.