Sereńko 1:5 - সান্তালী বাইবেল

⁵ Onate bicạr hilokʼ onko bedhoromko do bako ṭarhaokʼa, ar kạiyan hoṛko hõ dhorom hoṛkoakʼ jarwakʼre bako teṅgo ńama;

Sereńko 1:5 Referans Kwoze

Sereńko 5:5

Bạḍạiko do am samaṅre bako teṅgo ṭarhao daṛeakʼa; ar bạṛicʼakʼko kạmikan hoṛ dom kurudako kana.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Mathae 25:32

Ar sanam jạtren hoṛko do uni samaṅreko jarwa ocokʼa. Cetʼleka gupiyicʼ do bhiḍi ar meromkoe begarko onkage uni do sanam hoṛe begarkoa.

Mathae 13:49

Onkage jug mucạtʼre hõ hoyokʼa. Serma goḍetko do hecʼkate dhorom hoṛ tala khon bedhoromkoko begarkoa ar jolokʼkan seṅgelreko khadlekoa.

Jihudạwakʼ ciṭhi 1:15

ar bebhokti hoṛko do bebhokti lekate okako bạṛicʼ kạmiko kạmiakatʼ ar onko bebhokti kạiyan hoṛko Probhu Isor upạrte oka bạṛicʼ kathako roṛakatʼ, onate onko bicạr dusiko lạgitʼ uni doe hijukʼkana.”

Sereńko 26:9

Kại hoṛko tulucʼ alom samṭao seledińạ; okoe mãyãm joroyko kusiyakʼkan, onko sãote hõ alom seledińạ.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Sereńko 24:3

Probhu Isorakʼ burure dejokʼ lek do cetʼ jãhãe menaea? Uniyakʼ sonot jaegare teṅgokʼ lek doe okoe kana?