Sereńko 1:3 - সান্তালী বাইবেল

³ Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 1:3 Referans Kwoze

Jirimiạ 17:8

Uni do dakʼ aṛere rohoe akan dare lekanae one ona reakʼ rehetʼ do gaḍa hạbicʼ ạtiń senokʼkan. Setoṅ din hecʼlenre uni do bae botorokʼa; uniyakʼ sakam do jao okte hạriạṛge tahentaea. Akal bochorre hõ bae dạndikʼa ar jao oktegeye jo bahakʼa.

Jeheskel 47:12

Gaḍa reakʼ banar aṛetege sanam lekanakʼ jo reakʼ dare janamokʼa. Onako reakʼ sakam do baṅ tolmojokʼa, ar jo hõ baṅ cabakʼa. Jao candoge onare do jokʼa, ente mundil oṛakʼ khon onḍe do dakʼ ạtu hijukʼa. Onako reakʼ jo jom lạgitʼ ar sakamko do bogekʼ lạgitʼ beoharokʼa.”

Sereńko 92:14

Ar haṛam umạr hạbicʼ hõko jo bahakʼa; onko do soros ar purṭhạko hoyokʼa.

Johan 15:6

Jãhãege ińre bae tahen khan uni do getʼ giḍiakatʼ ḍạr leka bahreteye giḍi ocokʼa ar ona do rohoṛokʼa. Unre ona ḍạr jarwakate seṅgelreko khadlekakʼa ar ona do lokʼa.

Jeheskel 19:10

“ ‘Amren eṅgam do dakʼ aṛere rohoe akan mitʼṭecʼ darkha nạ̃ṛĩ lekanae; aema dakʼe ńametʼ tahẽkante onare do ḍạr perecʼ jo tahẽkana.

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Johan sodor 22:2

Ona gaḍa reakʼ dene banar aṛere do jion dare tahẽkana. Onare do gelbar lekan jo jokʼkan tahẽkana. Ar jao candoge onare do jokʼa ar ona reakʼ sakamte sanam jạtren hoṛko bogekʼkan tahẽkana. Sarap do ar baṅ tahena.

Jeheskel 17:8

Aema dakʼ aṛe reakʼ bhage hasare uni doe rohoe ocoakan tahẽkana jemon uni do bale ḍogkoe oḍok ocoyte, joye sapʼ ocoy ar mońj okocʼ nạ̃ṛĩ hoyokʼ.’

Mathae 13:6

menkhan siń candoe rakapʼen khan ona do tolmocʼ cabayena ar mońjte rehetʼ baṅ bạisạulente rohoṛ kạrcupʼena.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

Sereńko 128:2

Am do apnar tite khaṭaoakʼ reakʼ jogeye joma ar sukem ńama ar bhạlại hoyokʼtama.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Jesaea 44:4

Onko do dakʼ tala reakʼ ghãs lekako sahre rakapʼa, dakʼ nalako aṛere bạisi dareko lekage.

Jobakʼ 14:9

Enhõ dakʼ reakʼ baste ona do arhõ sagenokʼkana; ar nãwã rohoeyakʼ leka arhõ dạṛko oḍokokʼkana.

Mathae 21:34

Ado tinre jo belekʼ reakʼ okte hoyena unre uni do acʼakʼ bhag hatao lạgitʼ cacasko ṭhen acʼren gutikoe kolketʼkoa.

Mathae 21:19

Uni do hor aṛere mitʼṭecʼ loa dareye ńelketʼ khan dare ṭhene calaoena, menkhan onare sakam chaḍa ar cetʼge bae ńel ńamlakʼa. Unre uni do dareye metatʼa, “Amre ar tishõ alo jokʼma.” Ar unrege loa dare do rohoṛ gotʼena.

Jihudạwakʼ ciṭhi 1:12

Noko hoṛ do dilkate apeakʼ helmel bhojkoreko seletʼ emanlen khan ona bhojre mạilạ lekako hoyokʼa. Noko do eken ako reaṅakʼgeko dạndikʼa. Noko do hoete oṭaṅ calakʼkan bin dakʼan rimil leka kanako. Jo tiokʼ jokhecʼ bin joanakʼ dare kante rehetʼ sudhạ pạṭupʼ giḍi akatʼ leka noko do banar secʼ tegeko gocʼgea.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Mathae 21:41

Sostor baḍaekoko menkeda, “Uni do onko bạṛicʼ hoṛkoe maraokoa ar okoe cacasako okte nạpitre acʼakʼ jo reakʼ bhagko emae onko ṭhene bạisạu oṭokakʼa.”

1 Bõsbudạ 22:11

“E beṭa, Probhu Isor do ńitokʼ am sãote baṛeye tahenma; jo bahakʼme ar Probhu Isorakʼ katha leka uni lạgitʼ mitʼṭecʼ oṛakʼ benaome.

Sereńko 129:8

Okoe onko hoṛ aṛeteko sen paromokʼ onko hõ bako mena, “Apere Probhu Isorakʼ bhor baṛe tahenma; Probhu Isorge apeye bhạlạiype ma.”

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.

Numeri 24:6

Onako do buru tala otetko leka, gaḍa aṛe reakʼ bagwanko leka, Probhu Isore rohoe akatʼ Aguru dareko leka, dakʼ aṛe reakʼ debdạru dareko lekage.

Dosar Biboron 28:8

“Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

Jobakʼ 22:28

Okaṭakʼem goṭae onaregem jo bahakʼa, ar amakʼ hor do marsalokʼtama.

Sereńko 92:15

Onate porcarokʼa, Probhu Isor doe dhoromgea; unige ińren daṛe do ar unire jãhãn behok do bạnukʼa.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jeheskel 31:5

Nonkate bir reakʼ joto dareko khon ona do usulena; ar ḍher dakʼe ńamketʼte ona reakʼ do maraṅ maraṅ ḍạrko hoyena ar hara idiyente pasnao idiyena.