Sereńko 1:1 - সান্তালী বাইবেল

¹ Bhạgangeae uni hoṛ do, okoe do bedhoromkoakʼ sopolha bae senakʼkan, ar kại hoṛkoakʼ horre bae tahenkan, ar ṭiṭkạri nisṛạukoakʼ duṛupʼakʼre hõ bae duṛupʼkan;

Sereńko 1:1 Referans Kwoze

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Jirimiạ 15:17

Okoe rạskạ ar hulạsate bubulakʼko ńũiyetʼkan onkoakʼ dolre do tishõ bạń duṛupʼlena, onko sãote tishõ bạń rạskạ mitʼlena; iń cetanre amakʼ ti tahẽkante eskargeń duṛupʼkan tahẽkana ar am do raṅgaotem perecʼ akadińa.

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Kạhtukko 1:15

E bạbu, onko tulucʼ do alom calakʼa, ar onko khon do sahaṛ akae tahenme;

Sereńko 34:8

Cakha ạikạukate ńelpe Probhu Isor doe bhagegea; bhạgangeae uni hoṛ do, okoe do unireye hirlạkʼkan.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

Jobakʼ 21:16

Menkhan onkoakʼ kisạ̃ṛokʼ do akoakʼ tire bạnukʼa, onate iń do bedhoromkoakʼ solha khon sạṅgińreń tahenkana.

Ephesiko lạgitʼ Pạul Apostolakʼ ciṭhi 6:13

Onate ape do lạṛhại lạgitʼ Isore emakan sanamakʼ sajbajko horokʼ joṅpe, jemon Soetane hạ̃nlepere unipe teṅgo daram daṛeae arpe bhagaoete teṅgo ṭak akanpe tahen.

Genesis 49:6

Unkinakʼ oko danaṅre ińakʼ jãhãn hĩs do bạnukʼa, ar unkinakʼ dolre iń do bạnuńa. Unkin do edrete hoṛkin khũnkoa, ar ạkinakʼ kusi sanaleka ḍaṅgrawakʼ jaṅga sirkin samakʼakada.

Jirimiạ 17:7

“Menkhan bhạgangea uni hoṛ do, okoe do Probhu Isorreye bhorsakʼkan ar uniyakʼ pạtiạuren rehetʼ doe Probhu Isorkan.

Kạhtukko 13:15

Okoeyakʼ bhage bud menakʼ uni do manote ńama, menkhan bepạtiạr hoṛ doko marao cabakʼa.

Sereńko 119:115

Ape okoe do bạṛicʼakʼpe kạmikan, ape do iń khon men pharakokʼpe, jemon ińren Isorakʼ hukumkoń doho daṛeakʼ.

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Sereńko 26:12

Iń do soman jaegareń teṅgo akana; ar joroko samaṅrege Probhu Isoriń sarhaoea.

Kạhtukko 2:12

Ạkilge am do bạṛicʼ hoṛkoakʼ hor khone rukhiyạmea; hẽ onko khongeye rukhiyạmea okoe do eṛe kathako roṛ,

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Kạhtukko 3:34

Ṭiṭkạrikan hoṛko doe ṭiṭkạriakoa, menkhan nindhạnko doe dayawakoa.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Kạhtukko 9:12

Ạkilanicʼem hoyokʼ khan amakʼ lab hoyokʼtama, menkhan landa dhutʼicʼem hoylen khan eskarge kosṭom ńama.”

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Sereńko 144:15

Bhạgangeako onko jạtrenko, okoe do nonkako hoyokʼkan. Bhạgangeako onko jạtrenko, one okoeren Probhu doe Isorkan.

Johan 20:29

Jisu do uniye metadea, “Thoma, am do cetʼ ńel akadińtem pạtiạukʼ kana? Menkhan okoe begor ńelteko pạtiạukʼ onkogeko bhạgana.”

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.

Johan 13:17

Noako baḍaekate onako lekape kạmile khan enḍekhan ape dope bhạgangea.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 146:5

Bhạgangeae uni hoṛ, okoe do Jakobren Isore goṛowae kan, okoeyakʼ as do uniren Probhu Isorre.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Jeheskel 20:18

Onḍe onkoren hoponko ar hoponerakoń metatʼkoa, onko jemon akoren hapṛamko leka aloko kạmi, onkoakʼ colon leka aloko calakʼma ar onkoren boṅga muṭhạnkote apnartetʼ aloko besaphakʼma.

Kạhtukko 19:29

Landa dhutʼetʼko lạgitʼ do sạjại tear dohoakana, ar khaṭo bujankoakʼ dea lạgitʼ do cạbukge.

Sereńko 64:2

Bạṛicʼ soṛojontrokoakʼ ti khon bańcaoińme; okoe bạṛicʼ kạmiko kạmikan onko hoṛkoakʼ kạumạu khon bańcaoińme.

Jobakʼ 31:5

“Sạrigeń meneda, iń do eṛeakʼre bạń dãṛãnkana. Ińakʼ jaṅga do phikir tayomte bae ńir calakʼkana.

Jobakʼ 10:3

Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

2 Bõsbudạ 22:3

Ahasiạ hõ Ahabakʼ bõsren hoṛkoakʼ hortegeye taṛametʼ tahẽkana, ente uniren eṅgattetʼ do bạṛicʼakʼ kạmi lạgitʼ sopolhae emaekan tahẽkana.

Luk 23:51

Uni do Jisu babotre bạisiren hoṛko tulucʼ bae mitʼmot daṛeada. Ente uni hõ Isorakʼ raj lạgitʼe koyokʼ hor akatʼ tahẽkana.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Dosar Biboron 14:6

Okoeko janwarakʼ khurạ bar hạṭińte cirạge ar okoeko pạgur onko janwarakʼ jel dope jom daṛeakʼgea.