Sephaniạ 3:8 - সান্তালী বাইবেল

⁸ “E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Sephaniạ 3:8 Referans Kwoze

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Mathae 25:32

Ar sanam jạtren hoṛko do uni samaṅreko jarwa ocokʼa. Cetʼleka gupiyicʼ do bhiḍi ar meromkoe begarko onkage uni do sanam hoṛe begarkoa.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Hosea 12:6

Ńitokʼ do E Jakob bõsren hoṛko, aperen Isor ṭhen ruạṛ hijukʼpe; pạtiạranko hoyokʼpe, dhorom reakʼ bicạrpe ar sanam ghuṛi aperen Isor lạgitʼ koyokʼ horre tahenpe.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Kạhtukko 20:22

Alom mena, “Noa behok reakʼ iń hala ruạṛa.” Probhu Isor lạgitʼ koyokʼ horme, uni do ona muhin khone rukhiyạmea.

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Sereńko 62:1

Ińakʼ jiwi do eken Isorakʼ ńel horrege menaea, ente uni kangeae ińren rurukhạyicʼ do.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Sereńko 37:7

Probhu Isor samaṅre thir hape akan tahenme; ar uni ńel horre tahenme. Apnarakʼ kạmi purạu lạgitʼ okoe do bạṛicʼakʼko kạmire acʼakʼ mone lagaoetʼ, uni iạte am do alom jal jalaokʼa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Johan sodor 16:1

Inạ tayom iń doń ańjomkeda, ona mundil khon onko eae goṭen serma goḍetko do mitʼ hoṛ ãṭ aṛaṅteye metako kana, “Ape do senkate Isorakʼ edrete perecʼ eae goṭecʼ bạṭi dhạrtire dulpe.”

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Sereńko 79:6

Okoe bako manaome onko jạtrenko cetanre am do amakʼ edre upʼakome, ar onako rajosṭi cetanrehõ onkaeme okoe do amakʼ ńutum bako dohaeyakʼkan;

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”