Sephaniạ 3:7 - সান্তালী বাইবেল

⁷ Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.

Sephaniạ 3:7 Referans Kwoze

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Jirimiạ 36:3

Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

Sephaniạ 3:2

Uni do celege bae manaokoa, ar ḍanṭao hõ bae moneyakʼa. Probhu Isor cetanre uni do bae bhorsakʼkana, acʼren Isor ṭhen hõ bae senokʼkana.

Jirimiạ 25:5

Onko do Probhu Isorakʼ noa kathako metatʼko tahẽkana, ‘Ape do ńitokʼ apeakʼ bạṛicʼ hor ar bạṛicʼ kạmiko khon ruạṛokʼpe, enḍekhan oka disạm aperen hapṛamkoń ematʼko tahẽkan ona disạmre ape do jaejug hạbicʼpe tahẽdaṛeakʼa.

Jirimiạ 7:7

enḍekhan niạ disạmre aperen hapṛamko cetʼleka piṛhike piṛhi girobasokʼ lạgitʼ iń em akatʼko ape hõ onkage nonḍeń girobas ocopea.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

Jirimiạ 38:17

Unre Jirimiạ do Sedekiại metadea, “Israelren phạdkoren Probhu Isore meneda, ‘Babel rajren subedar ṭhen bhagao ocokʼ reakʼem aṅgocetʼ khan amakʼ jiwi do bańcaokʼtama ar noa nagraha do seṅgelte baṅ ḍahao maraokʼa; ar am gharońjrenpe bańcaokʼa.

Jirimiạ 8:6

Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Jesaea 5:4

Ińakʼ darkha bagwan lạgitʼ okań ceka akatʼ ona khon bạ̃ṛti do ar cetʼ cekae hoykokʼtińa? Tinre iń do bhage darkha lạgitʼ iń koyokʼ horkeda unre cedakʼ onare jojo darkha jo do joyena?

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

Dosar Biboron 4:16

jemon bạṛicʼ horte senkate jãhãn murhutʼko alope benaokoa se jãhãn muṭhạn hõ alope benaojoṅa- baṅ do herelakʼge cetʼ baṅ do maejiuakʼge cetʼ,

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

Jobakʼ 36:10

Uni do sudhrạukʼ lạgitʼ sopolhae emakokana ar bạṛicʼ khon mon ạcur lạgitʼe hukumako kana.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Kạhtukko 19:20

Solha moneyakʼme, ar ḍanṭao manaome; tayomte am do ạkilanicʼ em hoyokʼa.

Jirimiạ 6:8

E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.