Sephaniạ 3:2 - সান্তালী বাইবেল

² Uni do celege bae manaokoa, ar ḍanṭao hõ bae moneyakʼa. Probhu Isor cetanre uni do bae bhorsakʼkana, acʼren Isor ṭhen hõ bae senokʼkana.

Sephaniạ 3:2 Referans Kwoze

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jesaea 43:22

“Menkhan E Jakob, am do bam hohoakadińạ; E Israel, am do iń iạtem laṅga akana.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Kạhtukko 5:12

Amem mena, “Hae! Iń do ḍanṭaoiń kurud akada, ar ińakʼ ontor do sudhrạukʼ reakʼ kathae nihạ̃t akada.

Sereńko 78:22

ente Isorre onko do bako pạtiạulena; uni do onkoe bańcao daṛeakoa mente ona kathare hõ bako bhorsalena.

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 1:5

Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

2Timothi 3:16

Sonot sostor reakʼ mitʼke mitʼ katha do Isor ṭhen khon hecʼakana ar ona do cecetʼakʼre, udgạure, sudhrạukʼre ar dhoromre etokʼ lạgitʼ jạruṛgea,

Jirimiạ 13:25

Noage amakʼ kuṛại do; noage am lạgitʼ iń soṅ dohoakada, ente am dom hiṛiń akadińạ ar debotakom pańja akatʼkoa.

Jeheskel 22:24

“E manwa hopon, disạm do nonkam metaea, ‘am do mitʼṭecʼ besapha disạm kanam, onate ińakʼ edre reakʼ dinkore am cetanre do bae daga.’

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”