Sephaniạ 2:8 - সান্তালী বাইবেল

^8-9 Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

Sephaniạ 2:8 Referans Kwoze

Amos 1:13

Probhu Isore meneda, “Amon reakʼ pea ghạṭ iạte, hẽ ponea ghạṭ iạte iń do khạṭige onkoń sạjạikoa, ente simạna baṛhaotako lạgitʼ onko do Gileadren bhạrti hoṛmo maejiukoakʼ lacʼko cirạ akatʼtakoa.

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Josuạ 5:9

Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

Jesaea 15:1

Moab babotre Probhu Isorakʼ katha do nonka kana: Moab reakʼ Ar ńutumanakʼ nagraha ar Kir nagraha do mitʼ ńindạtege jarkharena.

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Rak̕joṅ 3:61

E Probhu Isor, onkoakʼ landa-dhutʼ reakʼ, ar iń upạrte soṛojontro reakʼ kathako hõm ańjomakatʼgea.

Jeheskel 21:28

“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.

Amos 2:1

Probhu Isore meneda, “Moab reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uni do Edomren rajakʼ jaṅkoe lo torocʼ akatʼtaea.

Sephaniạ 2:10

Unkin do ạkinakʼ bạḍại iạtege noa kuṛạikin ńama, ente phạdkoren Probhu Isorren hoṛkin landa dhutʼatʼko tahẽkana ar onko upạrte apnartetʼ do maraṅkin udugokʼkan tahẽkana.

Genesis 19:37

Tayomte maraṅicʼ kuṛiren do mitʼṭen koṛa gidrại hoyena ar uniyakʼ ńutum do Moabe dohoketʼtaea (metakʼme “Baba ṭhen khon”). Nui kangeae Moabkoren janam data do.

Genesis 19:38

Ar huḍińicʼ kuṛiren hõ mitʼṭen koṛa gidrại hoyena, ar uniyakʼ ńutum do Ben-amine dohoketʼtaea (metakʼme, “Iń bõsren hopon”). Uni do ńitokʼren Amonikoren janam data kanae.

Jirimiạ 48:1

Moab reaṅ phạdkoren Probhu Isor doe meneda, “Nebore do hae hae! Ona do marao utạrokʼa. Kiriạthaim doe lajao ocokʼa ar eṭakʼkoakʼ tireye paṛaokʼa; uniyakʼ gaṛko do lajao ocokʼte rạputʼ dhaṅ dhaserokʼa.

Jeheskel 25:1

Probhu Isor do ińe metadińạ,

Jeheskel 35:12

Ar unrem baḍae daṛeakʼa, am do Israel reakʼ buruko upạrte oka henosta reakʼ katham roṛakatʼ ona do iń Probhu Isorgeń ańjom akada. Am dom menakada, dhaṅ dhaserakʼ do utʼgotʼkakʼ lạgitʼgem em ocoakana.