Sephaniạ 2:11 - সান্তালী বাইবেল

¹¹ Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Sephaniạ 2:11 Referans Kwoze

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Hosea 2:17

Uniyakʼ moca khon do Bakʼal debotawakʼ ńutumiń ocoga; ar Bakʼal do uni bae hohoaea.

Sereńko 138:4

E Probhu Isor, amakʼ moca reakʼ katha ańjomkate dhạrtiren sanam rapajko do amko sarhaomea.

Genesis 10:5

Noko khonge sesre ạḍi utạr pạrsi, gharońj ar jạt lekate doreão aṛe reakʼ eṭakʼ eṭakʼ disạmreko pasnao idiyena.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Sakariạ 8:20

“Nonkan okte hijukʼa tinre ḍher jạtrenko ar ḍher nagraharen hoṛko do Jerusalemteko hijukʼa;

Sephaniạ 3:9

Ar ona tayom do jạt jạtrenko napae alaṅiń emakoa jemon jotokoge ińko sewawạń ar jotoko mitʼ jomokteko dewa sewa daṛeạń.

Sephaniạ 1:4

“Jihudạ upạrte ar Jerusalemre girobasokʼ kan sanamko upạrte ińakʼ tiyiń rakabtińạ. Niạ disạm khon Bakʼal debota sewawae reakʼ jotowakʼko ar lạṭu ar kạticʼ hudạren sanam naekekoń marao utạrkoa.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Dosar Biboron 32:38

Okayenako onko debotako do okoe do onkoren teṅgen janwarkoakʼ itilko jomletʼ, ar onkoakʼ coḍor samaṅokʼakʼ ar darkha rasako ńũletʼ? Ńitokʼ onko do hecʼkateko goṛowape ma, ar asray hõko emape ma.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Jirimiạ 46:25

Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Daniel 11:18

Ona tayom utạrren raj do sạṅgiń disạmko secʼe moneyakʼa ar aema disạmkoe dokhola, menkhan mitʼṭen subedar do uniyakʼ ona jitạukʼ reakʼ bạḍạitetʼe caba utạrtaea ar uniyakʼ hekʼnostage ạcur ruạṛaea.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Jesaea 2:18

ar boṅga murtiko doko marao utạrokʼa.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.