Sephaniạ 2:10 - সান্তালী বাইবেল

¹⁰ Unkin do ạkinakʼ bạḍại iạtege noa kuṛạikin ńama, ente phạdkoren Probhu Isorren hoṛkin landa dhutʼatʼko tahẽkana ar onko upạrte apnartetʼ do maraṅkin udugokʼkan tahẽkana.

Sephaniạ 2:10 Referans Kwoze

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jirimiạ 48:29

“Moab do ạḍi bạḍại hoṛkanae. Abo do uniyakʼ bạḍại reakʼ katha, uniyakʼ eṛeteakʼ, uniyakʼ edre reakʼ ar uniyakʼ phulạukʼ reakʼ katha bon baḍaegea.

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Obodiạ 1:3

Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 9:17

Am do ńitʼ hõ ińren hoṛko upạrtem teṅgo akana ar bam sen ocoako kana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jeheskel 25:6

Ape do Israel disạm reakʼ dosa ńeltepe thayoleda, arpe enecʼlena ar monre hiskạ iạtepe rạskạlena.

1 Bõsbudạ 16:21

unre uni do okoege onko bae santao ocowatʼkoa. Onko iạte rajkoe dhomkaoetʼko tahẽkana,

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’

Obodiạ 1:11

Eṭakʼ disạmren hoṛko do tinre Jakobakʼ dhon-duribko idiyetʼ tahẽkana ar uniyakʼ phaṭok duạr secʼte bolokate Jerusalem lạgitʼko gulibãṭletʼ tahẽkana unre am do sạṅgińre teṅgo akanem tahẽkana; ar onkoren mitʼ hoṛ lekam hoylena.