Sephaniạ 1:9 - সান্তালী বাইবেল

⁹ Okoe do duạr reakʼ ganaḍe donateko paromokʼkan ar santao ar phạsiạra hotete akoren debotawakʼ oṛakʼko perecʼetʼkan onko do enhilokʼgeń sạjạikoa”

Sephaniạ 1:9 Referans Kwoze

1 Samuel 5:5

Noa iạte Dagonren naeke ar eṭakʼ sanam hoṛko do Asdodren Dagonakʼ mundilre bolokʼ jokhecʼ teheń hạbicʼ okoe hõ ona mundil reakʼ duạr ganaḍere do bako lebedokʼ kan tahẽkana.

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”

Aposkạmi 16:19

Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Bikʼcạrko 19:27

Ado setakʼ jokhecʼ uniren jãwãe do beretʼente mohnḍa lạgitʼ tinre silpińe jhicʼkeda unre acʼren chuṭki era duạr ganaḍere ti dohokate bhindạṛ akane ńel ńamkedea.

Jirimiạ 5:27

Khańca do cẽṛẽkote cetʼleka perecʼge onkage onkoakʼ oṛakʼ hõ eṛe cholkote perecʼgea. Onate onko do kisạ̃ṛ ar daṛeanko hoyakana,

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Sakariạ 5:6

Iń doń kulikedea, “Ona do cetʼkana?” Uni doe roṛ ruạṛạdińa, “Ona do mitʼṭecʼ sosoṅakʼ bhajan kana.” Uni do arhõe menkeda, “Ona do okoe goṭa dhạrtiko behoketʼkan onkoakʼ rup kana.”