Sephaniạ 1:7 - সান্তালী বাইবেল

⁷ Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Sephaniạ 1:7 Referans Kwoze

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Sephaniạ 1:14

Probhu Isorakʼ ona maraṅakʼ din do sor hecʼakana ar ạḍi usạrage hijukʼkana. Ote Probhu Isorakʼ din reakʼ sabad ańjompe! Unre lạṛhại birko do hasoteko raga.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jesaea 34:6

Probhu Isorakʼ tarwaṛe do mãyãmte ńũ turetʼ akana; ona do itilte tol akana. Ona mãyãm do bhiḍi hoponko ar merom hoponkoakʼ mãyã leka ar itil do bheḍakoakʼ kunḍi reakʼ itil lekage, ente Probhu Isor do Bosrare mitʼṭecʼ samaṅokʼakʼ porobe hoeocoya ar Edomre do ạḍi utạr hoṛko gur ocokʼa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Mathae 22:4

Unre uni do arhõ eṭakʼ gutiko noa menkateye kolketʼkoa, ‘ńelpe bhojiń tear akada, ar ińren daṅgra ar posaokoń gur akatʼkoa. Ar ńitokʼ do sanamakʼ sạt akana, ado dela hijukʼ tabonpe.’

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

1 Samuel 16:5

Sạmuele roṛ ruạṛkeda, “Hẽ, iń do suluk montegeń hecʼakana. Iń do Probhu Isor ńutumte janwar samaṅokʼakʼ lạgitʼgeń hecʼakana. Ape do sonotokʼpe iń sãote niạ samaṅokʼakʼre seledokʼpe.” Niạ menkate uni do Jisại ar uniren hoponkoe sonot ocoketʼkoa ar ona samaṅokʼakʼre seledokʼ lạgitʼe neotaketʼkoa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Amos 6:10

Ona tayom jãhãeṭakʼ peṛage onako mạ̃ṛĩ do oḍok idikate rapakʼ giḍikakʼ lạgitʼe hijukʼa. Uni do oṛakʼ bhitrire bolokate ar jãhãe menakʼkoa se baṅa ona baḍae lạgitʼe kulijoṅa, “Am chaḍa ar jãhãe menakʼkoa?” Unre ona oṛakʼren hoṛe mena, “Baṅa, bạnukʼkoa.” Onate uni peṛa doe mena, “Hapekokʼme. Ar Probhu Isorakʼ ńutum hõ alom ńuma.”

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Jeheskel 7:7

Disạmre okoepe girobasokʼ kan ape cetanre sorbonas do hecʼ seṭerakana. Okte do hoyena, din hõ sorena; unre buru boṭkocʼko cetanre rạskạ reakʼ andoṛ bodolte botor reakʼ aṛaṅge ańjomokʼa.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Philipiko lạgitʼ Pạul apostolakʼ ciṭhi 4:5

Apeakʼ mạ̃hirtetʼ do sanamko ṭhen baḍaeyokʼma. Probhu Isor do usạrageye daraekana.

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

1 Samuel 20:26

Enhilokʼ Sạul do cetʼge bae menleda, enteye hudiskeda, hoedaṛeakʼa Dạud do jãhãnakʼ iạteye besapha akana; ar khạṭige uni do bae saphawa.

Jobakʼ 24:1

“Sanam daṛeanicʼ do bicạr lạgitʼ okteko cedakʼ bae niṭ akada? Okoe uniko baḍae akade onko do cedakʼ ona din bako ńelńameda?

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Jesaea 29:2

Menkhan iń do Ariel cetanre muhiniń ạguiya. Uni do hae hae are jare jarekʼa; ar iń ṭhen do mitʼṭecʼ Ariel lekae hoyokʼa, metakʼme seṅgelanakʼ pinḍ lekage.

Jesaea 34:5

Ińakʼ tarwaṛe do sermare ńu rosao akana, ńelpe, bikʼcạr lạgitʼ ona do Edom cetanre, metakʼme okoeko hoṛ do jarkharokʼ lạgitʼ iń dohoakatʼko onko cetanre pheḍ hijukʼa.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Sakariạ 14:1

Probhu Isorakʼ nonkan din hijukʼ kana oka hilokʼ Jerusalemren hoṛkoakʼ jinisko luṭokʼtakoa ar onko samaṅrege hạṭińokʼa.