Sephaniạ 1:6 - সান্তালী বাইবেল

⁶ Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Sephaniạ 1:6 Referans Kwoze

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Romiko lạgitʼ Pạul Apostolakʼ ciṭhi 3:11

okoe hõ sạriyakʼ reakʼ akelte do bako calakʼkana. Ar okoe hõ Isorakʼ sana leka bako kạmikana.

Jesaea 43:22

“Menkhan E Jakob, am do bam hohoakadińạ; E Israel, am do iń iạtem laṅga akana.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

2 Samuel 22:22

Ente Probhu Isorakʼ horrege iń doń dãṛãn kana; ar bạṛicʼakʼ kạmikate ińren Isor khon bạń ocokʼ akana.

2 Bõsbudạ 15:13

ar onko modren huḍińko ar lạṭuko, herelko ar maejiuko jãhãege Israelren Probhu Isorakʼ sana leka bae calakʼ uni doe gocʼ giḍi ocokʼa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Sephaniạ 3:2

Uni do celege bae manaokoa, ar ḍanṭao hõ bae moneyakʼa. Probhu Isor cetanre uni do bae bhorsakʼkana, acʼren Isor ṭhen hõ bae senokʼkana.