Sephaniạ 1:18 - সান্তালী বাইবেল

¹⁸ Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Sephaniạ 1:18 Referans Kwoze

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Jeheskel 7:19

Akoakʼ rupạ do kulhikoreko giḍikakʼa ar akoakʼ sona do besaphawakʼ jinisge hoyokʼa. Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Onate onkoakʼ lacʼ do baṅ bikʼa se reṅgecʼ hõ baṅ cabakʼtakoa. Onko do onakoge kạireye paṛao ocoakatʼkoa.

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Sephaniạ 1:15

Ar enhilokʼ do Probhu Isorakʼ edre reakʼ dinge hoyokʼa, gạr ar cikʼpạ reakʼ dinge hoyokʼa, muhin ar jarkharokʼ reakʼ dinge hoyokʼa, dhund reakʼ dinge hoyokʼa, rimil ar kaṛaṅ ńut reakʼ dinge hoyokʼa.

Sephaniạ 1:11

E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

1 Rapajko 14:22

Ar Jihudạren hoṛko do Probhu Isorakʼ mẽtʼre oka bạṛicʼakʼ kan onage kạmiko ehopʼena. Akoren hapṛamko khon hõ akoakʼ kại hotete Probhu Isorakʼ pit do arhõ bạ̃ṛtiko rakapʼ ocoketʼtaea.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Kạhtukko 18:11

Kisạ̃ṛkoakʼ dhonge onkoakʼ nagraha reakʼ pạcri do; menkhan onko do akoakʼ dhonge rurukhiyạ reakʼ pạcriko hudiseda.

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jeheskel 7:5

Probhu Isor do nonkae meneda, “Muhin! Mitʼṭecʼ maraṅ muhinge hijukʼ kana!

Jeheskel 7:11

Santao reakʼ ṭheṅgatege bedhoromkoakʼ sạjại do emogokʼa. Onkoakʼ lekha do ḍhergere hõ celege bako tahena, onkoakʼ dhon-durib se ṭhonok cetʼge baṅ tahentakoa.

Jeheskel 23:25

Ińakʼ jaljalaokʼkan edre do am upạrteń paṛao ocoya jemon onko do raṅgaote am tulucʼko beohar. Onko do amakʼ mũ ar luturko heseytama ar amren sarecʼ hoṛ doko gocʼkoa. Onko do amren hoponko ar hoponerako idikoa, ar amren sarecʼ hoṛ do seṅgelteko ḍahao maraokoa.

Sephaniạ 2:2

Ona din do peṭecʼ leka uḍạu hijukʼkana; onate niṭ akatʼ okte ạuri hijukʼre, ar Probhu Isorakʼ jolokʼkan edre apere ạuri hijukʼre, uniyakʼ khĩs ạuri hijukʼre ape do mitʼ saote jarwakʼpe.

Jobakʼ 3:15

Iń do disạm cakʼlaoko sãoteń tahẽkokʼa one okoe do sonate kisạ̃ṛko tahẽkan, ar rupạte oṛakʼko perecʼletʼ tahẽkan.

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.