Sephaniạ 1:17 - সান্তালী বাইবেল

¹⁷ Probhu Isor do hoṛko cetanre maraṅ kosṭogeye paṛao ocoyte onko do kãṛã hoṛ leka ṭạmḍạu baṛaea, ente onko do Probhu Isor upạrteko kại akada. Onkoakʼ mãyãm do dhuṛi lekage giḍi ocokʼa ar onkoakʼ hoṛmo do guricʼ leka giḍi akan tahena.

Sephaniạ 1:17 Referans Kwoze

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Johan sodor 3:17

Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

2 Patras 1:9

Okoe hoṛre noako gun bạnukʼ, uni do ḍher sạṅgiń bae ńel ńameda, ente uni doe kãṛãgea. Ar acʼakʼ lahateakʼ kại khone sapha ocoakan ona doe hiṛiń akada.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Rak̕joṅ 1:14

Ińakʼ ghạṭko do arãṛ lekae tol joṛao akatʼtińạ; uniyakʼ titege onako doe tol mitʼakada. Ar ińakʼ tarenreye lade akawạdińạ, Probhu Isorge ińakʼ daṛe doe caba akattińạ. Ar okoe bạń teṅgo daram daṛeako onkoakʼ tireye soprot akadińa.

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jirimiạ 10:18

ente Probhu Isore meneda, “Noa oktere okoe disạmreko tahen onko doń capatʼ giḍikakoa; onko cetanre nonkan ghoṭnań paṛao ocoya jemonko aṭkar daṛeakʼ.”

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Jeheskel 24:7

Ente uniye joro ocoakatʼ mãyãm do ńithõ acʼ talarege menakʼa; uni do ona cenḍeń cạṭạnireye jorokeda, otre do bae joroleda dhuṛire ona dapalkakʼ lạgitʼ do.

Jeheskel 24:8

Ińakʼ edre caṛhao ocoy lạgitʼ ar hala hạli lạgitʼge ona mãyãm do cạṭạni cetanreń doho akada jemon alo danaṅ esedokʼ.’

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”