Sephaniạ 1:15 - সান্তালী বাইবেল

¹⁵ Ar enhilokʼ do Probhu Isorakʼ edre reakʼ dinge hoyokʼa, gạr ar cikʼpạ reakʼ dinge hoyokʼa, muhin ar jarkharokʼ reakʼ dinge hoyokʼa, dhund reakʼ dinge hoyokʼa, rimil ar kaṛaṅ ńut reakʼ dinge hoyokʼa.

Sephaniạ 1:15 Referans Kwoze

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Sephaniạ 2:2

Ona din do peṭecʼ leka uḍạu hijukʼkana; onate niṭ akatʼ okte ạuri hijukʼre, ar Probhu Isorakʼ jolokʼkan edre apere ạuri hijukʼre, uniyakʼ khĩs ạuri hijukʼre ape do mitʼ saote jarwakʼpe.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Dosar Biboron 28:52

Onko do apeakʼ ato ar nagrahako gherao ạcurtapea, ar sesre oka usul ar keṭecʼ pạcri bhitko cetanrepe bhorsakʼkan ona hõ lạnduṛokʼtapea. Ar aperen Probhu Isor okaṭakʼ disạme emape lạgidokʼkan ona disạm reakʼ mitʼke mitʼ ato ar nagrahako gherao ạcurtapea.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.