Sephaniạ 1:14 - সান্তালী বাইবেল

¹⁴ Probhu Isorakʼ ona maraṅakʼ din do sor hecʼakana ar ạḍi usạrage hijukʼkana. Ote Probhu Isorakʼ din reakʼ sabad ańjompe! Unre lạṛhại birko do hasoteko raga.

Sephaniạ 1:14 Referans Kwoze

Malaki 4:5

“Ńelpe, Probhu Isorakʼ ona maraṅ ar botoranakʼ din ạuri hijukʼrege iń Probhu Isor do ape ṭhen Eliạ nạbiń kolea.

Jeheskel 30:3

Mitʼṭecʼ botoranakʼ dinge hijukʼkana, ente Probhu Isorakʼ din do seṭerakana; ona do rimilte danaṅ esetʼ akan din ar boṅgan hoṛ jạtrenkoakʼ mucạtʼ okte kana.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu Isor do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Jesaea 33:7

Ńelpe, onkoren birbão hoṛko do hor horteko rakʼ baṛaeyeda; sulukokʼ lạgitʼ kol ocoakan paṭhaonako hõ hũk hũkko rakʼeda.

Jesaea 15:4

Hesbon ar Eleale dokin rakʼeda; unkinakʼ aṛaṅ do Jahas hạbicʼ ańjom calakʼ kana. Ona iạte Moabren lạṛhại phạdko hõko rakʼeda ar onkoakʼ ontor do botorte thar tharaokʼ kantakoa.

Jakob 5:9

E boehako, Isor jemon apeakʼ dosko aloe sabtape onate ape apere dos alope ladejoṅa. Ńelpe, bicạricʼ do duạr sorregeye hecʼakana.

Aposkạmi 2:20

Probhu Isorakʼ ona maraṅ ar ṭhonokte perecʼ dinko hijukʼ lahare, siń cando doe ńutokʼa; ar ńindạ cando do mãyãm lekae hoyokʼa.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Sephaniạ 1:10

Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Jeheskel 12:23

Onkom metakoa Probhu Isore menetʼ kana, ‘ińge ona calao hijukʼkan katha doń bạtil gotʼkakʼa; Israelakʼ ona katha do ar okoehõ bako roṛa.’ Ona bodolte onkope metakoa, ‘din seṭer akana, ńitokʼ do mimitʼ dorsonko sạriyagokʼa.

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Jirimiạ 25:36

Gukʼpikoakʼ rakʼ ar palren mukhiyạkoakʼ homor halaṅ ańjompe, ente Probhu Isor do onkoakʼ ạtiń ṭạnḍikoe nosṭo caba akatʼtakoa.

Jesaea 66:6

Ańjompe, nagrahare kạumạu ańjomokʼ kana; ańjompe, mundil khon aṛaṅ ańjom hijukʼkana; noa do Probhu Isorakʼ aṛaṅkangea uni do acʼren bạirikoe sạjạiyetʼkoa.

Ibriko 12:26

Unre Isorakʼ moca kathatege dhạrti do dal dalaolena, menkhan ńitokʼ uni do noae gokʼakada, “Iń do eken armitʼ dhao dhạrtiń dal dalao ocoya ona do baṅ, menkhan serma hõń dal dalaoa.”

Philipiko lạgitʼ Pạul apostolakʼ ciṭhi 4:5

Apeakʼ mạ̃hirtetʼ do sanamko ṭhen baḍaeyokʼma. Probhu Isor do usạrageye daraekana.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.