Sephaniạ 1:13 - সান্তালী বাইবেল

¹³ Onkoakʼ dhon do luṭ idikʼtakoa ar onkoakʼ oṛakʼ-duạr hõ maraokʼtakoa. Onko do oṛakʼ-duạrko benaojoṅa menkhan onare do bako tahẽdaṛeakʼa; darkha bagwan hõko benaojoṅa menkhan darkha rasa do bako ńũ daṛeakʼa.”

Sephaniạ 1:13 Referans Kwoze

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Mikạ 6:15

Itạpe eragea menkhan phosol do bape getʼ rakapʼ daṛeakʼa; ape do jạitun jope lelena menkhan ona reakʼ sunum do bape beohar daṛeakʼa, ar darkha len katehõ ona reakʼ rasa hõ bape ńũ daṛeakʼa.

Dosar Biboron 28:30

“Okoeṭakʼ maejiu sãote baplakʼ lạgitʼem ṭhik dohoy uni tulucʼ do eṭakʼ herel hoṛe giticʼmidokʼa. Oṛakʼpe benao joṅgea menkhan onare bape tahẽ daṛeakʼa. Darkha bagwankope benaogea menkhan ona reakʼ jo do bape jom daṛeakʼa.

Jeheskel 7:21

Ar onako jinis do bidisiạkoakʼ tire ar luṭ reakʼ jinis lekate dhạrtiren dusṭạmikoakʼ tireń soprota; onko do onako besonota.

Jirimiạ 15:13

E Jihudạ amakʼ sanam kạiko ar goṭa disạm tala reakʼ kạiko ńutumte amakʼ dhon ar murạiko do, begor damteakʼ luṭakʼ jinis lekateń soprota.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Dosar Biboron 28:39

Ape do darkha bagwankope benao joṅa arpe joton haraea menkhan tejoko do darkha joko jom cabaetapete bape samṭao daṛeakʼa se ona reakʼ rasa hõ bape ńũ ńama.

Sephaniạ 1:9

Okoe do duạr reakʼ ganaḍe donateko paromokʼkan ar santao ar phạsiạra hotete akoren debotawakʼ oṛakʼko perecʼetʼkan onko do enhilokʼgeń sạjạikoa”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Jeheskel 7:19

Akoakʼ rupạ do kulhikoreko giḍikakʼa ar akoakʼ sona do besaphawakʼ jinisge hoyokʼa. Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Onate onkoakʼ lacʼ do baṅ bikʼa se reṅgecʼ hõ baṅ cabakʼtakoa. Onko do onakoge kạireye paṛao ocoakatʼkoa.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Jirimiạ 4:20

Muhin cetan muhin do hijukʼkana; goṭa disạmge dhaṅdhaserokʼa. Ar thoṛa ghạṛicʼ khange ińakʼ tạmbuko, ar ackage ińakʼ tạmbu reakʼ orwalko do jarkharokʼtińạ.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Dosar Biboron 28:51

Onko do aperen mĩhũ-meromko ar khet reakʼ phosolko jom cabaetapea ar sesrepe marao utạrokʼa. Ape lạgitʼ jãhãn phosol, nãwã darkha rasa, sunum se gại ḍaṅgra se bhiḍi meromkoren hopon hõ bako sarecʼkoa, ar ape do sesrepe marao utạrokʼa.

Jirimiạ 17:3

E Jihudạ, amakʼ kại gunạkʼte disạm talare ińakʼ burure amakʼ dhonko ar amakʼ murạiko ar goṭa disạm reakʼ amakʼ than boṭkocʼko do luṭ reakʼ jinis lekateń soprota.

Rak̕joṅ 5:2

Aleakʼ ạidạriko do bidisiạkoakʼ tire jimạ akana, ar aleakʼ oṛakʼ do eṭakʼ jạtren hoṛko em ocoakana.

Jeheskel 7:24

Onkoakʼ oṛakʼ-duạr dokhol lạgitʼ iń do jạt jạtrenko tala khon dusṭạmi jạtrenkoń ạgukoa. Iń do daṛeankoakʼ bạḍạiyiń rạpudtakoa, ar onkoakʼ sonot ṭhạ̃ikoń besapha ocoytakoa.