Sephaniạ 1:11 - সান্তালী বাইবেল

¹¹ E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.

Sephaniạ 1:11 Referans Kwoze

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Jeheskel 21:12

E manwa hopon, ragme ar homor halaṅme, ente ona tarwaṛe do ińren hoṛko upạrte ar Israelren sanam mukhiyạko upạrtehõ kana. Onko do ińren hoṛko sãote tarwaṛe ṭhenko soprot ocoakana. Onate am do koṛam ceṭagtam.

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Johan 2:16

Uni do parwa ạkhrińkoe metatʼkoa “Men nonḍe khon noako idipe. Iń Babawakʼ oṛakʼ do bạnij-beparkoakʼ oṛakʼ alope hoeocoya.”

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:5

E bul bhutạṛ hoṛko, ma cetaokʼpe ar rakʼjoṅpe. E sanam bubulakʼ hoṅgorko, ape do ṭaṭka darkha rasa reakʼ bubulakʼ lạgitʼ homorpe, ente apeakʼ moca khon ona do recʼ ocoakana.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jobakʼ 27:16

Onko do dhuṛi leka rupạko ḍạṅlere hõ hasa leka kicricʼ khạnḍwạkʼko puńjilere hõ

Jobakʼ 27:17

onkoakʼ ona kicricʼ khạnḍwạkʼ do dhorom hoṛgeko horoga, ar miridos hoṛ do rupạko hạṭiń joṅa.

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Sakariạ 14:21

Jerusalem ar Jihudạ reakʼ mimitʼ isinakʼ reakʼ bhajanko do phạdkoren Probhu Isor ńutumte sonotokʼa ar okoe do janwar samaṅokʼakʼ porob palon lạgitʼko rakapʼ hijukʼ onko do onako bhajan reakʼ khon hataokate onareko isina. Ar enhilokʼ phạdkoren Probhu Isorakʼ oṛakʼre do okoe hõ bako bạnij-bepara.