Sephaniạ 1:10 - সান্তালী বাইবেল

¹⁰ Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Sephaniạ 1:10 Referans Kwoze

2 Bõsbudạ 33:14

Tayomte uni do Dạud nagraha bahre reakʼ pạcri do buru lodam reakʼ Gihon dakʼ jharna khon Ophel buru beṛhae pạchim secʼ hako phaṭok duạrte bolokʼ hor hạbicʼ arhõ usul pạcriye benaoketʼte onae kajak ruạṛkeda. Uni do Jihudạ reakʼ pạcrite esetʼ sanam ato ar nagrahakore subedarkoe bahalketʼkoa.

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

2 Rapajko 22:14

Niạ katha ańjomkate naeke Hilkiạ, Ahikam, Akbar, Saphan ar Asaya do maejiu nạbi Hulda ṭhen senkate uni tulucʼko galmaraokeda. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Ar Salum do Harhasren goṛomtetʼ koṛa, metakʼme Tikwaren hopone tahẽkana. Hulda do Jerusalem reakʼ dosar atoregeye girobasokʼ kan tahẽkana.

Nehemiạ 3:3

Hasena hoponko do hako duạrko jut arokeda. Onko do ona reakʼ kaṭko ar ona reakʼ silpińko, khilko ar huṛkạṛkoko lagaoada.

Sephaniạ 1:15

Ar enhilokʼ do Probhu Isorakʼ edre reakʼ dinge hoyokʼa, gạr ar cikʼpạ reakʼ dinge hoyokʼa, muhin ar jarkharokʼ reakʼ dinge hoyokʼa, dhund reakʼ dinge hoyokʼa, rimil ar kaṛaṅ ńut reakʼ dinge hoyokʼa.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Jirimiạ 39:2

Sedekiạ rajakʼ rajokʼ gelmitʼ bochor ponakʼ cando reakʼ areakʼ dinre nagraha pạcri reakʼ mitʼ jaegare bhugạkʼ hoyena .

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jesaea 59:11

Abo sanamkoge bana leka bon hukạueda, ar parwa leka bon bak bạkureda. Abo do dhorom reakʼ bicạr ar bańcaoge bon khojkana, menkhan ona do ḍher sạṅgińre tahenkana.

2 Bõsbudạ 32:22

Nonkate Probhu Isor do Ạsurren raj Senakerib ar eṭakʼ sanamkoakʼ ti khon Hiskiạ raj ar Jerusalemren hoṛkoe rukhiyạketʼkoa. Uni do jotowakʼ secʼ khon nirạiteye dohoketʼkoa.

2 Bõsbudạ 3:1

Solomon do Jerusalem reakʼ Mạriạ burure Probhu Isorakʼ oṛakʼ benao lạgitʼe ehopʼena. Niạ bururege Jibusiạ Arownakʼ khạrạire Probhu Isor do uniren apat Dạud ṭhene ńel ocolena. Ar Dạud do niạ ṭhạ̃ige koejoṅ oṛakʼ lạgitʼe ṭhik dohoakatʼ tahẽkana.

2 Samuel 5:9

Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

2 Samuel 5:7

Menkhan Dạud do Sion reakʼ gaṛe hatkeda; onate ona do Dạud nagrahako ńutumkeda.

2 Bõsbudạ 34:22

Unre Hilkiạ ar acʼ sãote raj okoekoe kolletʼko onko do niạ reaṅ baḍae lạgitʼ maejiu nạbi Hulda ṭhenko senena. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Salum do Hasraren goṛomtetʼ koṛa, metakʼme Toknatren hopone tahẽkana. Uni do Jerusalem reakʼ dosarakʼ ṭhạ̃ireye tahenkan tahẽkana.

Nehemiạ 12:39

Ona tayom do Ephrayim phaṭok duạr, Jisana phaṭok duạr, Hako phaṭok duạr, Hananelakʼ gaṛ ar Saeko reakʼ gaṛ aṛete bhiḍi phaṭok duạr hạbicʼko senena. Ar ona tayom do horhokoakʼ phaṭok duạr hạbicʼ senkateko thirena.

Jeheskel 6:13

Israelko do akoakʼ pinḍ beṛhaeten boṅga murhutʼko talare, maraṅ maraṅ buru cetankore, darebuṭạkore ar hạṛiạṛ sakam darekore, debdạru buṭạkore, metakʼme okako ṭhạ̃ikore onkoren boṅga murhutʼko ńutumte jut mosola reakʼ dhupko jeretʼetʼ tahẽkan onako ṭhạ̃ire onko do gocʼ akanko tahena. Unre sarecʼ jiwetʼ tahen hoṛko baḍae daṛeakʼa iń kangeạń Probhu Isor do.