Sephaniạ 1:1 - সান্তালী বাইবেল

¹ Amonren hopon Jihudạren raj Josiạwakʼ rajokʼ jokhecʼ Kusren hopon Sephaniạ ṭhen Probhu Isorakʼ katha do sodorena. Kus do Gedaliạren hopon, ar Gedaliạ do Amariren hopon, ar Amari do Hiskiạren hopone tahẽkana.

Sephaniạ 1:1 Referans Kwoze

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

Hosea 1:1

Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Jeheskel 1:3

Babelrenkoakʼ disạmre Kebar gaḍa aṛere Busiren hopon Jeheskel ṭhen, metakʼme Probhu Isorakʼ katha do iń ṭhen sodorena. Ar onḍe Probhu Isorakʼ ti do iń cetanre tahẽkana.

Jirimiạ 25:3

“Josiạren hopon Jihudạren raj Amonakʼ rajokʼ gelpe bochor khon ńit hạbicʼ, metakʼme noa bargel pe bochor Probhu Isorakʼ katha do iń ṭhen sodor akana ar iń do aema dhao onań lạiyakatʼpea, menkhan ape do bape lutur akawatʼtińạ.

2Timothi 3:16

Sonot sostor reakʼ mitʼke mitʼ katha do Isor ṭhen khon hecʼakana ar ona do cecetʼakʼre, udgạure, sudhrạukʼre ar dhoromre etokʼ lạgitʼ jạruṛgea,

2 Rapajko 21:18

Tayomte Manase do acʼren hapṛamko ṭhene senena ar uni do raj oṛakʼ reakʼ bagwanre, metakʼme Usakʼ bagwanreko topakadea. Ar uniyakʼ jaegare uniren hopon Amon do raje hoyena.

2 Bõsbudạ 33:20

Tayomte Manase do acʼren hapṛamko ṭhene senena ar raj oṛakʼrege uni doko topakadea. Ar uniyakʼ jaegare do uniren hopon Amon do raje hoyena.

Jirimiạ 22:11

Uni doe hoyokʼ kana Josiạ hopon Salum, okoe do acʼren apat tayom Jihudạren raje hoylena menkhan uni do noa ṭhạ̃i bạgikateye calaoena. Probhu Isor do uni reaṅe meneda, “Uni do tishõ ar bae ruạṛ hijukʼa.

2 Rapajko 21:26

Ar Usakʼ bagwanre acʼ lạgitʼ ṭhik dohowakatʼ topare uni doko topakadea. Ar uniyakʼ jaegare uniren hopon Josiạ do raje hoyena.