Sakariạ 9:8 - সান্তালী বাইবেল

⁸ Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.

Sakariạ 9:8 Referans Kwoze

Jesaea 54:14

Am do dhoromge bandhao akanem tahena. Am ṭhen khon jor julum do pharakokʼa; amakʼ botorteakʼ do cetʼge baṅ tahena. Bạṛicʼ botorko hõ sạṅgińokʼa, ar am ṭhen baṅge hijukʼa.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Amos 9:15

Israelko do akoakʼ disạmre dare lekań rohoekoa; okaṭakʼ disạmiń em akawatʼko onḍe khon onko do ar tishõ bako or totʼ giḍi ocokʼa.” Noa katha do aperen Probhu Isorgeye meneda.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jesaea 31:5

Manḍraokʼkan cẽṛẽ leka, phạdkoren Probhu Isor do Jerusaleme aḍ bańcaoa. Uni do onae aḍa are rukhiyạya, onae tạnkhiya are bańcaoa.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

Exodus 3:9

Israelkoakʼ rakʼjoṅ do ńitokʼ iń ṭhen seṭer akana. Misorrenko ṭhen cetʼlekako santao ocokʼkan ona doń ńelakada.

Johan sodor 20:9

Unreń ńelkeda, onko do samaṅ secʼ senkate Isorren hoṛkoakʼ tahen jaega ar uniyakʼ ona dulạṛiạ nagrahako esetʼ ạcurkeda. Menkhan serma khon seṅgel pheḍ hecʼente onko doe atar cabaketʼkoa.

Aposkạmi 7:34

Misor disạmre ińren hoṛko cetanre oka santao hoyokʼkan ona doń ńelakada. Iń do onkoakʼ rakʼjoṅ iń ańjomakada ar onko chaḍaoko lạgitʼ iń pheḍ hecʼakana. Iń do ńitokʼ Misor disomteń kol ruạṛmea.’

Sakariạ 14:11

Onḍe do hoṛko girobasokʼa; ar Jerusalem do tishõ jarkharokʼ leka sarapakʼ do baṅ hoyokʼa. Ona do khạtirjoma akae tahena.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Jirimiạ 46:13

Babelren raj Nebukadnesar do Misor akromon lạgitʼe hijukʼ, ona reakʼ sombat Probhu Isor do Jirimiạ nạbiye lạiyade tahẽkana.

Jirimiạ 46:2

Josiạ hopon Jihudạren raj Jehoyakimakʼ rajokʼ ponakʼ bochorre Babelren raj Nebukadnesar do phurạt gaḍa ṭhen Karkemisre Misorren Pharao raj Neko do okoe lạṛhại phạdkoe bhagaoletʼko Probhu Isor do onko reaṅe meneda,

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

2 Rapajko 24:1

Jehoyakimakʼ rajokʼ oktere Babelren raj Nebukadnesar do Jihudạ disạme akromonkeda. Jehoyakim do pe bochor uniyakʼ gobolreye tahẽkana. Menkhan tayomte uni do Nebukadnesar upạrteye hulkeda.

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Sakariạ 9:7

Onkoakʼ moca khon mãyãm sudhạ jel ar baronakʼ eṭakʼakʼ jomakʼ iń oḍoktakoa. Onko modre okoe jiwetʼko tahen onko do ińren hoṛko hoyokʼa; onko do Jihudạren mitʼṭen bõsren lekako hoyokʼa ar Ekron do Jebusiko lekae hoyokʼa.

2 Rapajko 19:34

Iń do ińren ar ińren guti Dạud lạgitʼ niạ nagrahań esetʼ ạcura ariń rukhiyạya.’ ”

Kạhtukko 3:25

Ar ackage muhin hecʼlenre alom botorokʼa, ar bạṛicʼ hoṛkoakʼ ḍahao maraokʼ ńelte hõ alom botorokʼa;

Sakariạ 12:4

Enhilokʼ iń do mitʼke mitʼ sadomkoń botor ocokoa ar aswari do lelhań hoyocokoa. Ar Jihudạren hoṛko lạgitʼ do sontorte nońjoriń dohoya, menkhan eṭakʼ jạtren joto sadom doń kãṛã ocokoa.