Sakariạ 9:16 - সান্তালী বাইবেল

¹⁶ Enhilokʼ onkoren Probhu Isor do bhiḍi palko leka acʼren hoṛkoe bańcaokoa. Onko do uniyakʼ disạmre mukuṭ reakʼ hirạ-mạnik lekako jhak jhakaokʼa.

Sakariạ 9:16 Referans Kwoze

Jesaea 62:3

Am do Probhu Isorakʼ tire mitʼṭecʼ ṭhonokanakʼ mukuṭem hoyokʼa ar amren Isorakʼ tire do mitʼṭecʼ raj mukuṭge.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Jeheskel 34:31

E ińakʼ palrenko, ińakʼ ạtiń ṭạnḍirenko, ape do ińren kangeape ar iń doń aperen Isor kana. Ar iń Probhu Isorge noa katha doń meneda.’ ”

Jirimiạ 31:11

Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Jesaea 40:10

Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Sephaniạ 3:20

E Jerusalemren hoṛko, ona jokhecʼ iń do apeń ạgu jarwapea. Ar lahate leka tinreń ruạṛkatapea unre dhạrtiren sanam jạtrenko talare ape do manot ar ṭhonokan hoṛiń hoyocopea, ar onape ńela. Iń Probhu Isorge noa katha doń meneda.”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Sakariạ 10:6

“Iń do Jihudạren hoṛko daṛeaniń hoyocokoa ar Josephakʼ, metakʼme Israelren hoṛkoń bańcaokoa. Iń do onkoń ruạṛ ạgukoa, ente onko cetanre mãyã menakʼtińạ. Unre onko do bạń nihạ̃t giḍi akatʼko lekako hoyokʼa, ente ińkangeạń onkoren Isor do; arko hohowạńre onkoakʼ iń ańjomtakoa.

Exodus 28:9

Am do barea boidorjomoni dhirite ona cetanre Israelren hoponkoakʼ ńutumem galaṅ ocoya.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Jesaea 54:12

Amakʼ cuṛạko do podmorag mạnikteń benaoa, ar amakʼ phaṭok duạr do surjokanto mạnikkote ar amakʼ pạcri bhitko do damanakʼ dhirikoteń benaoa.

Jeheskel 34:11

“ ‘Iń Probhu Isorgeń menetʼkana, iń apnartetʼge ińren bheḍakoakʼ khoj tolasiń hataoa ar onkoń ńel jutkoa.

Jeheskel 34:12

Gukʼpiyicʼ cetʼ leka acʼren pasnao akan palrenkoe tolasko onkage ińren bhiḍi hõń tolaskoa. Rimil ar ńut reakʼ dinre oka ṭhạ̃ikoreko pasnao akan iń do onḍe khoniń bańcao ạgukoa.