Sakariạ 9:15 - সান্তালী বাইবেল

¹⁵ Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Sakariạ 9:15 Referans Kwoze

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sakariạ 10:7

Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Exodus 27:2

Pinḍ benao jokhecʼ ona ponon konacre ponea dereńem benao ocoya. Onate dereń sudhạ pinḍ reakʼ mitʼṭecʼ jinisge hoyokʼa. Ar pinḍ do pitạltem tol ocoya.

Sereńko 78:65

Ona tayom Probhu Isor do jạpitʼ khone ebhenena; uni do darkha rasa reakʼ nisạ kaṭaoen bir lekae jagwarena.

Levitikus 4:25

Ona tayom naeke do kại ńutumte samaṅ akade janwar khon thoṛa mãyãm kạṭupʼte hataokate jeredokʼ samaṅokʼakʼ pind reakʼ dereńkoreye ojokʼakʼa; ar sarecʼakʼ mãyãm do ona pinḍ aṛereye dulkakʼa.

Levitikus 4:18

Ona tayom thoṛa mãyãm hataokate uni do ńapamokʼ tạmbure Probhu Isor samaṅre oka jut so dhudhup pinḍ menakʼ ona reakʼ dereńkoreye ojokʼakʼa. Ar ona tayom do ńapamokʼ tạmbu reakʼ duạr ṭhen one okare jeredokʼ samaṅokʼakʼ pinḍ menakʼ ona aṛereye dulkakʼa.

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiyakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛekana;

Sakariạ 14:20

Enhilokʼ “Probhu Isor ńutumte sonotokʼ ” niạ katha do sadomakʼ hoṭokʼ reakʼ ghạnṭi cetanre rokʼ akae tahena ar Probhu Isorakʼ oṛakʼ reakʼ isinakʼ reakʼ bhajanko do pinḍ samaṅ reakʼ bạṭiko leka sonotakʼ hoyokʼa.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Soros sereń 7:9

Amakʼ cokʼ do mońj darkha rasa lekage baṛe hoyokʼma. Ona darkha rasa do dulạṛiạtińakʼ nạnḍrite pheḍokʼma cetʼleka jạpitʼ akatʼicʼakʼ luṭi ar ḍaṭako secʼte joro pheḍokʼkan.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

1 Samuel 17:45

Unre Dạud do uni Philisṭiye metadea, “Am do tarwaṛe, borlom ar chorawante iń ṭhenem hijukʼkana, menkhan iń do phạdkoren Probhu Isor ńutumte am ṭheniń hijukʼ kana, one okoe dom henosta akawade.

Levitikus 4:7

Inạ tayom thoṛa mãyãm hataokate ńapamokʼ tạmbure Probhu Isor samaṅre one okare jut so mosola reakʼ pinḍ menakʼ ona reakʼ dereńkoreye ojokʼakʼa. Ar sarecʼakʼ mãyãmte do ńapamokʼ tạmbu reakʼ duạr ṭhen one okare jeredokʼ samaṅokʼakʼ reakʼ pinḍ menakʼ ona aṛereye dulkakʼa.

Jobakʼ 41:28

Jãhãn ạ̃pạ̃ṛĩge uni do bako laga ńir daṛeaea; ar bạṭul reakʼ dhiri hõ uni ṭhen do cetʼge baṅkana.

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

Sakariạ 2:9

Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.