Sakariạ 8:17 - সান্তালী বাইবেল

¹⁷ ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Sakariạ 8:17 Referans Kwoze

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Kạhtukko 3:29

Am aḍepaseren hoṛko upạrte jãhãn bạṛicʼakʼ alom cekaea, ente am pheḍren uni do khạtirjomae girobasokʼ kana.

Sereńko 10:3

Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mathae 12:35

Bhage hoṛ do acʼakʼ bhageakʼ khon bhageakʼgeye oḍoka, ar bạṛicʼ hoṛ do acʼakʼ bạṛicʼ babaeakʼ khon bạṛicʼakʼgeye oḍoka.

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Sakariạ 7:10

Ape do rạnḍi maejiuko, ṭuạ̃r amarko, bidisiạko ar reṅgecʼ hoṛko alope santaokoa.’

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Kạhtukko 6:14

mon reakʼ phẽpṛa iạte sanam ghạṛicʼ bạṛicʼakʼ phundiye aṭaoa uni do reṭepeṭe reakʼ itạgeye er idiyeda.

Sakariạ 8:18

Phạdkoren Probhu Isor do arhõ ińe metadińạ,

Sereńko 101:3

Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.