Sakariạ 8:16 - সান্তালী বাইবেল

¹⁶ Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Sakariạ 8:16 Referans Kwoze

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

Sakariạ 8:19

“Ponakʼ, mõṛẽakʼ, eaeakʼ ar gelakʼ cando reakʼ upạs do Jihudiko lạgitʼ rạskạteakʼ, kusiyakʼ ar bhạlạiyanakʼ porobge hoyokʼa. Onate ape do sạriyakʼ ar sulukge dulạṛpe.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Kạhtukko 12:19

Sạriyicʼakʼ reakʼ katha do jaejug hạbicʼ tahena, menkhan eṛeyicʼakʼ reakʼ katha do thoṛa dinge.

Kạhtukko 12:17

Soṛa monte roṛetʼ hoṛ do sạriyakʼgeye roṛa, menkhan eṛe goha do phạsiạrae phuṭạua.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Mathae 5:9

Sulukokʼkogeko bhạgana, ente onko do Isorren hoponko ńumogokʼa.

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Amos 5:24

Ona khon bickom hok do gaḍa leka ar dhorom do jaejug ạtukʼkan dakʼ leka baṛe hoyokʼma.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Levitikus 19:11

“Alope kombṛoya, okoehõ alope ṭhokakoa ar eṛe hõ alope roṛa.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jeheskel 18:8

ar sudte ṭaka bae emako, behokakʼ khon acʼakʼ tiye akoṭetʼtae ar hoṛko talare hok reakʼe bicạretʼkan,

Jeheskel 45:9

“ ‘E Israelren disạm cakʼlaoko, iń Probhu Isorgeń menetʼkana, ḍherge hoyakana. Ńitokʼ do jor julum ar santao bạgikate dhorom ar bhage reakʼ kạmipe. Ińren hoṛkoakʼ jaega apeakʼ dokholre ạgui do bạgipe.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Sereńko 34:15

Dhorom reakʼ horte okoeko calakʼkan onkore do Probhu Isorakʼ mẽtʼãhã menakʼa; onkoakʼ koejoṅ ańjom lạgitʼ uniyakʼ lutur do jhicʼge menakʼtaea.