Sakariạ 7:14 - সান্তালী বাইবেল

¹⁴ Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Sakariạ 7:14 Referans Kwoze

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.

Dosar Biboron 4:27

Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.

Sakariạ 2:6

Probhu Isore meneda, “Ańjompe ar luturakʼtińpe. Iń do beṛhaete apeń sạṅgińletʼpea, menkhan ńitokʼ do utạr disạm khon ńir paskaokate hijukʼpe.

Sephaniạ 3:6

Probhu Isore meneda, “Iń do jạt jạtrenkoń marao akatʼkoa; onkoakʼ usul pahra oṛakʼ hõ marao akana. Onkoakʼ hor doń ujạṛ akatʼtakoa; celege onare do bako dãṛãnkana. Onkoakʼ sanam nagraha do marao akana; onḍe do celege bạnukʼkoa ar celege bako girobasokʼ kana.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Daniel 8:9

Ar onako dereń reakʼ mitʼṭecʼ khon ar mitʼṭecʼ dereń janamena; ona do pạhilre huḍińge tahẽkana menkhan tayomte do dạkhin, purub ar ṭhonok disạm secʼ hara idiyena.

Jirimiạ 52:30

ar uniyakʼ rajokʼ reakʼ bargel pe bochorre rajren rurukhiyạ dolren subedar Nebusaradan do eae sae pongel mõṛẽ Jihudikoe idiletʼkoa. Onkoakʼ leka do jotote pon hajar turui sae tahẽkana.

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 36:19

Unre rajkạmiyạko do Barukko metadea, “Do, senkate okokokʼ ben, am hõ ar Jirimiạ hõ. Ar okoe hõ jemon aloko baḍae daṛeakʼ okare menakʼbena mente.”

Jirimiạ 30:23

Ńelpe, Probhu Isorakʼ edre do birbão hoe leka oḍok hijukʼa, ar lagakan hoe leka one dusṭạmikoakʼ bohokʼ cetanre pheḍ hijukʼkan.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

2 Bõsbudạ 36:21

Niạ oktere Israel disạm do acʼakʼ jirạukʼ-bochorreye jirạuena. Jirimiạ hotete roṛlen Probhu Isorakʼ katha eae gel bochor ạuri purạukʼ hạbicʼ onkoakʼ disạm reakʼ sanam jumiko do khạlige tahẽyente jirạuena.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Levitikus 26:22

Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jeheskel 12:19

Ar disạmren hoṛkom metakoa, Israel disạm reakʼ Jerusalemren hoṛko reaṅ Probhu Isor doe meneda, ‘onko do botor botorte akoakʼ jomakʼko joma ar nisạsate dakʼko ńũiya, ente onḍenko hoṛkoakʼ santao khạtirte onkoakʼ disạm do ujạṛokʼa.

Jeheskel 22:15

Iń do amren hoṛko eṭakʼ eṭakʼ jạtrenko talare ar disạmko talareń chirchạturkoa ar amakʼ besaphawakʼ iń sạṅgiń giḍikakʼa.

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.

Sakariạ 8:1

Ar phạdkoren Probhu Isorakʼ katha do sodorena. Uni doe menkeda, “Sion lạgitʼ ińakʼ ontor do lokʼ kantińạ; iń do ona lạgitʼ ạḍitetʼ iń ãṭokʼkana.

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.