Sakariạ 7:12 - সান্তালী বাইবেল

¹² Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Sakariạ 7:12 Referans Kwoze

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Aposkạmi 28:27

Noko hoṛakʼ ontor do goṛdho akana, ar lutur hõ tepetʼakan takoa, ar mẽtʼ doko jạpitʼ akada, jemon mẽtʼte aloko ńeńel, luturte aloko ańjom, ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Jeheskel 36:26

Iń do apere nãwã ontor ar nãwã moniń emapea; ar apeakʼ keṭecʼ moniń sạṅgiń ocoyte lạbitʼ moniń danapea.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

Mark 4:12

sonot sostor reakʼ katha leka, ‘ńeńel doko ńeńelgea menkhan bako oroma, ańjom doko ańjomgea, menkhan bako bujhạua. Jemon aloko ạcurokʼ ar alo ikạkʼtako.’”

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Jeheskel 2:4

Okoe ṭheniń koletʼme onko hoṛ do ṭheṭamu ar keṭecʼ monan hoṛkanako. Ar am do Probhu Isorakʼ katham galmarao akoa.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Luk 8:12

Hor aṛere ńũren itạte do onko lạgitʼge roṛ akana, okoe do kathako ańjomketʼ, menkhan unrege Soetan do hecʼkate onkoakʼ mon khon onae halaṅ idiya. Ar bako pạtiạukʼte onko do kại khon bańcao bako ńama.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

Jirimiạ 26:19

Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Exodus 7:13

Menkhan Probhu Isor do unkin okae metatʼkin tahẽkan onkage hoyena. Pharaoakʼ mon do keṭecʼentaea; onate Mose ar Aronakʼ katha bae ańjomleda.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Jirimiạ 42:21

Iń do teheń apeń metatʼpea menkhan okako babotre roṛ lạgitʼ aperen Probhu Isor do ape ṭhene kol akadiń ona do ńit hõ bape manao akada.

Sakariạ 1:2

Probhu Isor do Sakariại metadea, “Aperen hapṛamko cetanre iń do ạḍiń edrelena.