Sakariạ 6:5 - সান্তালী বাইবেল

⁵ Uni doe roṛ ruạṛạdińa, “Noako do serma reakʼ ponea hoe kana; goṭa dhạrtirenko Probhu Isor samaṅreko teṅgolen tayom noko doko oḍokʼ hijukʼa.

Sakariạ 6:5 Referans Kwoze

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 1:7

Serma goḍetko reaṅ doe meneda, “Uni do hoe hõ acʼren goḍete hoyoco edekana; ar jolokʼkan seṅgel do acʼren golamge.”

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Sakariạ 4:14

Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Jobakʼ 1:6

Mitʼdin sermaren goḍet do Probhu Isor samaṅreye senena ar Soetan hõ uni sãoteye hạjirena.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Sakariạ 4:10

Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”

Jeheskel 11:22

Ona tayom Kerubko do akoakʼ phạ̃kṛạ̃kʼko lap lapakeda; ar onko aṛere ona pạihạ̃ko tahẽkana, ar Israelren Isorakʼ ṭhonok do onko cetanre tahẽkana.

Sereńko 148:8

E bijli ar arel, him ar kuṛhạ ar uniyakʼ hukum senakʼ birbão uni sarhaoepe.

1 Rapajko 19:11

Unre Probhu Isore menkeda, “Am do oḍok hecʼkate buru coṭre iń samaṅre teṅgokʼme.” Un jokhecʼ Probhu Isor do onkateye parom calakʼkan tahẽkana, ar uni samaṅre mitʼṭecʼ maraṅ daṛeanakʼ hoe do burukoe oṛecʼketʼte bar hạṭińena ar sanam dhiriko do rạputʼ gejerena, menkhan ona hoere Probhu Isor do bae tahẽkana. Ar ona hoe tayom do dhạrti laṛaoena, menkhan onare hõ Probhu Isor do bae tahẽkana.

Josuạ 3:11

One okoe doe goṭa dhạrtiren Probhu Isorkan uniyakʼ goha-sinduk do ape lahate tala jordan gaḍate bolokʼa.

Jirimiạ 49:36

Iń do serma reakʼ beṛhae khon ponea hoe Elom upạrteń ạguiya. Ona hoe do onko beṛhaeteń pasnaoa; ar Elame sạṅgiń akatʼko bondiko do sanam jạtrenko talareń chirchạturkoa.

Daniel 11:4

Ar uniye upelokʼ tayom uniyakʼ rajosṭi do rạpudokʼte pon hạṭińokʼtaea. Uniyakʼ rajosṭi do acʼren bõsrenkoakʼ tire do baṅ calakʼa; ar ona rajosṭiko okoeyakʼ tire calakʼa onko do lahaten raj leka daṛe do bako hoyokʼa, ente onkoakʼ rajosṭi do jarkharokʼte eṭakʼkoakʼ tire calakʼa.

Sakariạ 6:1

Iń do arhõń beṅgetʼketʼ khan ponea rãt gạḍiń ńelkeda. Onako do barea buru tala khon oḍok hijukʼkan tahẽkana. Ar ona burukin do tama reakʼ tahẽkana.