Sakariạ 6:11 - সান্তালী বাইবেল

¹¹ Ona tayom do ona sona ar rupạte mitʼṭecʼ mukuṭem benaoa ar Jehosadak hopon maraṅ naeke Josuạ do bohokʼrem horokʼaea.

Sakariạ 6:11 Referans Kwoze

Sakariạ 3:1

Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.

Sereńko 21:3

Bhạlạiyicʼ reakʼ ạḍi utạr bhorte uni dom koyokʼ daramede kana, ar uniyakʼ bohokʼre nirạ sona reakʼ mukuṭem horokʼae kana.

Soros sereń 3:11

E Sionren kuṛiko, dela oḍok hijukʼpe, ńelpe, Solomon raj do mạ̃ṛteye sajao akana; uniyakʼ baplakʼ dinre, ar uniyakʼ rạskạ dinre, uniren eṅgattetʼ do mạ̃ṛe horokʼ akawadea.

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Sakariạ 3:5

Unre iń doń menkeda, “Uni do bohokʼre mitʼṭecʼ saphawakʼ dạhṛiye em ocokʼma.” Ona iạte onko goḍetko do uniyakʼ bohokʼre mitʼṭecʼ dạhṛi ar kicricʼ hõko horokʼadea.

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Levitikus 8:9

Ona tayom dạhṛi do Aronakʼ bohokʼreye horokʼadete sonot mukuṭ, metakʼme ona sona reakʼ pat do dạhṛi reakʼ samaṅ secʼe lagaoadea. Ar Mose do Probhu Isore hukumade leka sanamakʼgeye kạmikeda.

Exodus 39:30

Ona tayom onko do khạṭi sonate mitʼṭecʼ batako benaoada. Noa do mitʼṭecʼ sonot mukuṭge. Chapakatʼ leka ona bata cetanre noa kathako chapada, “Probhu Isor ńutumte begar dohowakʼ.”

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Hagae 1:14

Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Exodus 29:6

Ona tayom bohokʼ reakʼ dạhṛitem dạhṛiyea ar ona cetanre sona reakʼ sonot mukuṭem horokʼaea.

Johan sodor 6:2

Ar okoe unireye decʼakan tahẽkan uniyakʼ tire do mitʼṭecʼ akʼ tahẽkana. Uni do mitʼṭecʼ mukuṭko emadea ar jitạuicʼ lekae oḍok calaoena are jitạu idiyena.

2 Samuel 12:30

Uni do onḍenicʼ rajakʼ bohokʼ khon mukuṭe bocʼketʼtaea. Ona do pegel are keji sonate benao tahẽkana ar onare damanakʼ dhiriko hõ bạisạu tahẽkana. Ona mukuṭ do Dạudko horokʼadea. Ar Dạud do ona nagraha khon ạḍi utạr luṭakʼ jiniskoe idikeda.

Esra 10:18

Okoe eṭakʼ jạtren kuṛiko baplaletʼko tahẽkan onkoakʼ tạlika do nonka leka: Naekeko modre Josadakʼ hopon Jesua ar uniren boehakoakʼ bõsrenko modre Makʼasia, Eliaser, Jarib ar Godlia.

Sakariạ 6:14

Helem, metakʼme, Heldai, Tobia, Jedae ar Sephaniạren hopon Hen, metakʼme Josuạ disạye reakʼ cinhạ lekate ona mukuṭ do Probhu Isorakʼ oṛakʼrege tahena.