Sakariạ 6:10 - সান্তালী বাইবেল

¹⁰ “Babel reakʼ bondi dosa khonko ruạṛ hecʼakan Heldai, Tobiạ ar Jedae teko ṭhen khon sona ar rupạ hataome. Ar enhilokʼge am do Sephaniạ hopon Josuạ ṭhen calakʼme.

Sakariạ 6:10 Referans Kwoze

Aposkạmi 24:17

“Ḍher bochor tayom iń do Jerusalemteń senlena jemon iń jạtren reṅgecʼ-orecʼ hoṛko ṭaka-poesateń goṛo daṛeako ar dãṛẽ hõ jemoniń samaṅ daṛeakʼ.

Jirimiạ 28:6

Uni doe menkeda, “Amen, Probhu Isor do onageye onkaema. Probhu Isorakʼ oṛakʼ reakʼ jinisko ar Babel khon sanam bondiko nonḍe ruạṛ ạgukote Probhu Isor do amakʼ nạbi katha reakʼgeye purạu ma.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

2 Rapajko 25:18

Jihudikoren maraṅ naeke Seruya, ar dosaricʼ naeke Sephaniạ ar pene pahradarko do uni rurukhiyạ dolren subedare bondi idiketʼkoa.