Sakariạ 5:4 - সান্তালী বাইবেল

⁴ Phạdkoren Probhu Isore meneda, ‘iń do ona sarapiń kola ar ona do kombṛokoakʼ oṛakʼre ar okoe iń ńutumte eṛe eṛeko kiriạkʼkan onkoakʼ oṛakʼte senkateye bolokʼa ar onkoakʼ oṛakʼ reakʼ kaṭ ar dhiri sudhại jarkhartakoa.”

Sakariạ 5:4 Referans Kwoze

Kạhtukko 3:33

Bạṛicʼ hoṛkoakʼ oṛakʼre Probhu Isorakʼ sarap tahena, menkhan Isor botoraekoakʼ oṛakʼ doe bhor atakoa.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jobakʼ 18:15

Uniyakʼ tạmbure apnarakʼ mente cetʼge baṅ tahentaea; uniyakʼ tahen ṭhạ̃ire jolokʼkan gondhok do chiṭiạukʼa.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Jobakʼ 20:26

Uniyakʼ dhon lạgitʼ ńut doe ńel horetʼkana. Oka seṅgel manwa bako lagao akatʼ ona seṅgel do uniye ḍahao maraoea, ar uniyakʼ tạmburen sarecʼ sanamkoe utʼgotʼkakoa.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”

Sakariạ 5:3

Uni doe metadińạ, “Noa do hoyokʼkana ona sarap oka do goṭa dhạrtire sodorokʼ. Ona reakʼ olakʼ lekate joto kombṛo doko laga ńir ocokʼa ar eṭakʼ secʼakʼ katha lekate eṛe eṛe kiriạkʼko hõko sạṅgiń ocokʼa.

Sakariạ 8:17

ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Dosar Biboron 28:16

“Apeakʼ tahen ṭhạ̃i ar khet-baṛgeko hõ ape sãote sarapakʼ hoyokʼa.

Josuạ 9:20

Tobe abo do onko lạgitʼ niạ bon kạmiya, onko do babon gocʼkoa jemon onko ṭhen oka bon kiriạ akan ona rạputʼ iạte Probhu Isorakʼ edre abore alo paṛaokʼ.”

Jobakʼ 8:15

Onareye ṭenḍarlen khan ona do rạpudokʼtaea, ar onareye sapʼ kajakokʼ khan enḍekhan ona do bae sapʼ ṭarhao daṛeakʼa.

Jobakʼ 8:22

Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”