Sakariạ 4:14 - সান্তালী বাইবেল

¹⁴ Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

Sakariạ 4:14 Referans Kwoze

Johan sodor 11:4

Unkin gohakin dokin hoyokʼ kana barea jạitun dare ar barea diuhe dohowakʼ, one okoe do dhạrtiren Probhu Isor samaṅrekin teṅgo akan.

Exodus 40:15

Ar ona tayom do ạkinren apat leka unkin hõm ojokʼ bahal kinạ jemon unkin hõ naeke lekate ińakʼ sapʼdapʼ kạmikin kạmi daṛeakʼ. Noa ojokʼ bahalokʼ hotete okoe naeke hudạ lekateye bahalokʼ ona do piṛhike piṛhi hạbicʼ calakʼa.”

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Exodus 29:7

Ar ona tayom do ojokʼ bahale reakʼ sunum bohokʼrem dulaea arem ojokʼ bahalea.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Sakariạ 6:5

Uni doe roṛ ruạṛạdińa, “Noako do serma reakʼ ponea hoe kana; goṭa dhạrtirenko Probhu Isor samaṅreko teṅgolen tayom noko doko oḍokʼ hijukʼa.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 5:1

Ińiń dulạṛede kan lạgitʼ do mitʼṭecʼ sereńiń sereńa, uniyakʼ darkha bagwan reaṅakʼgeń sereńa. Burure mitʼṭecʼ bhage hasawan jaegare ińren dulạṛiạwakʼ mitʼṭecʼ darkha bagwan tahẽkana.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Sereńko 89:20

Ińren golam Dạud doń sendra ńam akadea; ar ińakʼ sonot sunumteń ojokʼ bahalkedea.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Josuạ 3:13

Ar tinre goṭa prithimiren Probhu Isorakʼ goha-sinduk gokʼ idikan naekeko jordan gaḍa reakʼ dakʼreko bolokʼa ar unre ạtukʼkan dakʼ do thir hapekʼa ar ona reakʼ dakʼ do ḍhip leka teṅgo tahena.”

Josuạ 3:11

One okoe doe goṭa dhạrtiren Probhu Isorkan uniyakʼ goha-sinduk do ape lahate tala jordan gaḍate bolokʼa.

Levitikus 8:12

Ona tayom uni do ojokʼ bahalokʼ reakʼ thoṛa sunum hataokate Aronakʼ bohokʼreye dulkeda ar Probhu Isor ńutumteye ojokʼ bahalkedea.

Esra 5:2

Unre Sealṭiyelren hopon Serubabel ar Josadakren hopon Jesua do Jerusalemre Isorakʼ oṛakʼ arhõ benao aroekin ehopʼena. Ar Isorren nạbikin hõ onko sãote tahẽkate goṛoako kin ehopʼena.