Sakariạ 2:12 - সান্তালী বাইবেল

¹² Sonot disạmre uniyakʼ sompotti lekate Probhu Isor do Jihudạ disạme ạidạrijoṅa ar Jerusalem do arhõe bachaojoṅa.

Sakariạ 2:12 Referans Kwoze

Sakariạ 1:17

Iń phạdkoren Probhu Isorge noa doń gokʼetʼkana, ińakʼ nagrahakore arhõ bhạlại do se oḍokokʼa ar Sion do arhõ jiwiń raṛejtaea ar Jerusalem do arhõń bachaojoṅa.’ ”

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Sereńko 33:12

Bhạgangeako onko jạtrenko do, okoeren Isor doe Probhu kan; Bhạgangeako onko hoṛ do, okoe do acʼakʼ nij ạidạri menteye bachao akatʼko.

Jirimiạ 51:19

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae, ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jesaea 41:9

iń do dhạrti reakʼ ses simạna khoniń hoho ạguakatʼmea. Ińiń metatʼmea, ‘am do ińren guti kanam,’ iń do amiń bachao akatʼmea, ar bạń dea gidiakatʼmea.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Sereńko 82:8

E Isor, ma beretʼme, dhạrti reakʼ bicạrme, ente sanam jạtrenkoge amakʼ ạidạrire menakʼkoa.

2 Bõsbudạ 6:6

menkhan ńitokʼ do ińakʼ tahen oṛakʼ lekate Jerusalemiń bachaoana ar ińren hoṛ Israelko ḍanṭaoko lạgitʼ do Dạudgeń bachao akadea.’

Sereńko 132:13

Probhu Isor do Sione bachao akawana; uni do tahen lạgitʼ noageye khojleda.

Sereńko 132:14

Uniye menleda, “Noa do ińakʼ jaejug reakʼ jirạukʼ ṭhạ̃i kana; iń do nonḍegeń tahena, ente iń do noageń khojleda.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Sakariạ 3:2

Probhu Isor do Soetane metadea, “E Soetan, Probhu Isor do ame tạkicʼ daram mema. Jerusalem okoeye bachao akawan uni do ame tạkicʼ daram mema. Nui hoṛ do cetʼ seṅgel khon or oḍok akatʼ ṭhuṭkutʼ doe baṅkana?”

Dosar Biboron 32:10

“Uni do hahaṅkar disạmreye ńamkedea, hińjrạukʼkan mitʼ nisun jaegare. Uni doe esetʼ ạcurkedea, are jotonkedea; ar mẽtʼ reakʼ joti lekage uni doe horhokedea.

Ester 6:13

Ar uni cetanre oka hoyen ona do acʼren bạhu Seres ar uniren sanam gatekoe lạiyatʼkoa. Hamanren bạhu Seres ar uniren sopolhako do uniko metadea, “Okoe samaṅre amakʼ niạ ńurokʼ ehopʼakan uni Mordekai do Jihudi bõsren hoṛkan khane enḍekhan uni upạrte am do ohom teṅgo daṛelena, ar khạṭigem marao utạrokʼa.”

Sereńko 105:15

uni do onkoe metakokan tahẽkana, “Ińren ojokʼ akan hoṛko alope joṭetʼkoa; ar ińren nạbikoakʼ jãhãnakʼge alope loksan takoa.”

Jesaea 17:14

Ar ạyupʼ jokhecʼ doko torasokʼa ar ạuri setagokʼrege onko doko caba utạrokʼa. Abo luluṭkoakʼ do noage menakʼa, ar noage onkoakʼ bakhra do.

Jirimiạ 30:16

“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,