Sakariạ 14:5 - সান্তালী বাইবেল

⁵ Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Sakariạ 14:5 Referans Kwoze

Amos 1:1

Tekoaren gukʼpiko modre Amos hõ mitʼhoṛe tahẽkana. Unre Jihudạren raj do Usiạ ar Israelren raj do Joasren hopon Jerobiame tahẽkana. Dhạrti laṛaokʼ bar bochor lahare Israel babotre Isor okae udukʼade tahẽkan onage Amos doe lại jạhirleda.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

1 Thessalonikikko 3:13

Enḍekhan uni do apeakʼ ontore kajak ocoytapea, jemon aboren Probhu Jisu do acʼren sanam hoṛko soṅgekateye hijukʼre ape do Isor Baba samaṅre niphuṭ ar sonotkope hoyokʼ.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu Isor do ạḍi usạrageye hijukʼ kana.

Luk 21:27

Unre Manwa Hopon do maraṅ daṛe ar ṭhonokante rimilte hijukʼkanko ńelea.

Mathae 24:3

Jisu Jạitun burureye duṛupʼ akan tahẽkanre celako do uni ṭhen hecʼkate hape hapeteko metadea, “Lạiyaleme, noako do tis hoyokʼa ar oka lekan cinhạko hotetele bujhạu daṛeakʼa amakʼ hijukʼ ar jug mucạdokʼ reakʼ okte do seṭer akana mente?”

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Numeri 16:34

Onkoakʼ rakʼ ańjomte beṛhaeten Israelko do ãṭ aṛaṅte noa katha roroṛ tulucʼko dạṛkeda, “Ot do ape hõe utʼpea.”

Joel 3:11

E beṛhaeten sanam jạtrenko, ape do usạra hecʼkate jarwakʼpe.” E Probhu Isor, amren daṛean hoṛko baṛe kolkakome.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Mikạ 1:11

E Saphirre tahenkan hoṛko, ape do uluṅ ar lajaokʼpe baṛe. Ar okoe Saananreko girobasokʼ kan onko do bako oḍok hecʼdaṛeakʼa. Beth-ethsol doe homor halaṅetʼkana; uni do ape secʼ bae teṅgona.