Sakariạ 14:21 - সান্তালী বাইবেল

²¹ Jerusalem ar Jihudạ reakʼ mimitʼ isinakʼ reakʼ bhajanko do phạdkoren Probhu Isor ńutumte sonotokʼa ar okoe do janwar samaṅokʼakʼ porob palon lạgitʼko rakapʼ hijukʼ onko do onako bhajan reakʼ khon hataokate onareko isina. Ar enhilokʼ phạdkoren Probhu Isorakʼ oṛakʼre do okoe hõ bako bạnij-bepara.

Sakariạ 14:21 Referans Kwoze

Jeheskel 44:9

Okoe bidisiạkoakʼ ontor ar hoṛmo hõ baṅ khatna akantako onko do ińakʼ oṛakʼte bako bolo daṛeakʼa; ar Israelko talareko girobasokʼ kan bidisiạko hõ bako bolo daṛeakʼa.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

Sakariạ 14:20

Enhilokʼ “Probhu Isor ńutumte sonotokʼ ” niạ katha do sadomakʼ hoṭokʼ reakʼ ghạnṭi cetanre rokʼ akae tahena ar Probhu Isorakʼ oṛakʼ reakʼ isinakʼ reakʼ bhajanko do pinḍ samaṅ reakʼ bạṭiko leka sonotakʼ hoyokʼa.

Sakariạ 7:6

Ar tinrepe jom ńũiyetʼ tahẽkana unre apnar lạgitʼgepe onkayetʼ tahẽkana.

Hosea 12:7

Probhu Isore meneda, “Bepari Ephrayim do ṭhok reakʼ tulạgeye beoharetʼkana; uni do julumgeye kusiyakʼkana.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 4:3

Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jeheskel 45:1

“ ‘Ape do sompotti lekate disạm reakʼ jumi tinrepe hạṭińa unre bargel mõṛẽ hajar ḍaṅ jeleń ar bargel hajar ḍaṅ osar disạm reakʼ mitʼ hĩs jumi do Probhu Isorpe emaea; ona purạ elakage sonotakʼ ṭhạ̃i hoyokʼa.

Sephaniạ 1:11

E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.