Sakariạ 14:20 - সান্তালী বাইবেল

²⁰ Enhilokʼ “Probhu Isor ńutumte sonotokʼ ” niạ katha do sadomakʼ hoṭokʼ reakʼ ghạnṭi cetanre rokʼ akae tahena ar Probhu Isorakʼ oṛakʼ reakʼ isinakʼ reakʼ bhajanko do pinḍ samaṅ reakʼ bạṭiko leka sonotakʼ hoyokʼa.

Sakariạ 14:20 Referans Kwoze

Exodus 39:30

Ona tayom onko do khạṭi sonate mitʼṭecʼ batako benaoada. Noa do mitʼṭecʼ sonot mukuṭge. Chapakatʼ leka ona bata cetanre noa kathako chapada, “Probhu Isor ńutumte begar dohowakʼ.”

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

Levitikus 8:9

Ona tayom dạhṛi do Aronakʼ bohokʼreye horokʼadete sonot mukuṭ, metakʼme ona sona reakʼ pat do dạhṛi reakʼ samaṅ secʼe lagaoadea. Ar Mose do Probhu Isore hukumade leka sanamakʼgeye kạmikeda.

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Numeri 7:19

Uniyakʼ sandes do tahẽkana sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;

Numeri 7:13

Uniyakʼ sandes do jomakʼ samaṅokʼakʼ lạgitʼ sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;

Numeri 4:14

Ona tayom onko do ona cetanre sekʼwa kạmi reakʼ sanam thạriko, bạṭiko, kạ̃ṛchuko, ḍhạknicʼko, jel rakapʼ kaṭa kạ̃ṛchũko ar mãyãm irciyakʼ bạṭiko ar pinḍ reakʼ sanam asbabko dohoya. Onko do ona cetanre takhas (susuk) hartako aṭetʼakʼa ar ona reakʼ ḍaṅkin do ṭhik jaegareko gutukakʼa.

Numeri 4:7

Onko do samaṅakʼ piṭhạ dohowakʼ ṭebil cetanre mitʼṭecʼ nil roṅakʼ kicricʼko aṭetʼakʼa ar ona cetanre thạriko, bạṭiko, kạ̃ṛchuko ar cokʼḍor loṭakoko dohoya. Ar okaṭakʼ piṭhạ jao okte ṭebilre tahen ona do ṭebil cetanrege tahena.

Levitikus 6:28

Ar hasa reakʼ okaṭakʼ ṭukucʼre noa samaṅokʼ reakʼ jel isinokʼ ona do rạputʼ giḍikakʼ hoyokʼa, menkhan pitạl reakʼ jinisre isinokʼ khan ona do gasao saphae hoyokʼa.

Exodus 37:16

Uni do ṭebil reakʼ jinisko khạṭi sonateye benaokeda. Ona do hoyokʼkana, ona reakʼ thạriko, kạ̃ṛchuko, ar coḍorokʼ lạgitʼ bạṭiko ar loṭakoge.

Johan sodor 20:6

Menkhan ona hajar bochor ạuri purạukʼ hạbicʼ sarecʼ akan gocʼ hoṛ do bako jiwetʼlena.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Aposkạmi 11:9

“Ona tayom serma khon dosar dhao roṛ ańjomena, ‘Isor okaṭakʼe sapha akatʼ ona do be sonotakʼ alom metakʼa.’

Aposkạmi 10:28

Uni doe metatʼkoa, “Ape mape baḍaege je, mitʼṭen Jihudi hoṛ do mitʼṭen boṅgan hoṛ sãote gatekʼ se uni sãote ńapamokʼ hõ aleakʼ dhorom reakʼ ạn-ạri birudkana. Menkhan Isor do ińe udukʼ akawạdińạ, okoe hõ besapha se chut mente metako do lek baṅkantińạ.

Aposkạmi 10:15

Unre arhõe ańjomkeda, “Isor okakoe sapha akatʼ ona do be sonotakʼ alom metakʼa.”

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

1 Samuel 2:14

Onate uni do celaṅ se karahe se gamlareye gutuyetʼ tahẽkana ar ona kạ̃ṛchure tinạkʼ jel rakabokʼkan tahẽkan naeke do ona jotoge acʼ lạgitʼe idiyetʼ tahẽkana. Ar Israelren tinạkʼ hoṛ Siloteko hijukʼkan tahẽkan unkin do onko sanamko tulucʼ nonkage kin beoharetʼ tahẽkana.

Exodus 25:29

Ṭebil lạgitʼ thạriko, kạ̃ṛchuko, loṭako, bạṭiko one onakote coḍorokʼ onako jotoge khạṭi sonatem benao ocoya.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jirimiạ 31:40

Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

Jeheskel 45:1

“ ‘Ape do sompotti lekate disạm reakʼ jumi tinrepe hạṭińa unre bargel mõṛẽ hajar ḍaṅ jeleń ar bargel hajar ḍaṅ osar disạm reakʼ mitʼ hĩs jumi do Probhu Isorpe emaea; ona purạ elakage sonotakʼ ṭhạ̃i hoyokʼa.

Sakariạ 14:19

Misor ar eṭakʼ jạtrenko okoe do ona chạuni porob palon lạgitʼ bako rakapʼ calakʼ onko hõ niạ sạjạigeko ńama.

1 Rapajko 7:50

khạṭi sona reakʼ bạṭiko, sultạ saphae reakʼ cimṭạko, bạṭiko, kạ̃ṛchuko ar seṅgel aṅgra dohoy reakʼ celaṅko ar bhitri kandha reakʼ, metakʼme sonot utạrakʼ duạr lạgitʼ ar mundil oṛakʼ reakʼ maraṅ kandha reakʼ duạr lạgitʼ sona reakʼ kobjako.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.