Sakariạ 14:2 - সান্তালী বাইবেল

² Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Sakariạ 14:2 Referans Kwoze

Jesaea 13:16

Onkoakʼ mẽtʼãhã samaṅrege gidrạkoko tawakʼ gocʼkoa; onkoakʼ oṛakʼ duạrko luṭtakoa ar maejiuko nosṭokoa.

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Jesaea 5:26

Uni do sạṅgiń jạtrenko lạgitʼ mitʼṭecʼ nisạne rakabtaea ar dhạrti reakʼ ses simạnaren hoṛkoe hohoakoa. Ar ńelpe, onko do usạrateko ńir hijukʼa.

Luk 2:1

Ona jokhecʼ maharaj Agustus Kạisạr do acʼakʼ rajosṭiren sanam hoṛko ńutum ol ocoytako lạgitʼe hukumkeda.

Mark 13:19

ente unre nonkan santaoko hoyokʼa one oka do dhạrti sirjạu khon ńit hạbicʼ baṅ hoyakan ar ona tayom do ar baṅ hoyokʼa.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jesaea 65:18

Iń okań sirjạuetʼkan ona ńutumte jaejug kusi akanpe tahena arpe rạskạkʼa, ente Jerusalem do mitʼṭecʼ rạskạ reakʼ ar uniren hoṛkoakʼ kusi reakʼ jinis lekań sirjạuea.

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Joel 3:9

Ape do jạt jạtrenko talare niạ katha lại sodorpe; “Sonot lạṛhại lạgitʼ sapṛao akae tahenpe, ar daṛean hoṛko hoho ạgukope. Ar sanam lạṛhại phạdko do senkate jhãpko em ma.

Sakariạ 12:2

“Jerusalem do nonkan mitʼṭecʼ bubulakʼ bhajaniń benaoa one ona reakʼ ńũkate aḍepaseren sanam jạtren hoṛko konḍa manḍekʼa. Jerusalemrenko sãote Jihudạ reakʼ eṭakʼ nagrahako hõ gherao esetʼ ocokʼa.

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Sakariạ 12:9

Enhilokʼ okoe jạtrenko do Jerusalem cetanre jhãp em lạgitʼko hijukʼ iń do onkoń marao giḍikakoa.

Jesaea 4:3

Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.