Sakariạ 14:16 - সান্তালী বাইবেল

¹⁶ Tayomte onko sanam jạtren sarecʼ tahen hoṛ do uni rajakʼ, metakʼme phạdkoren Probhu Isorakʼ sewae lạgitʼ ar chạuni porob manao lạgitʼ jao bochor Jerusalemteko rakapʼ hijukʼa.

Sakariạ 14:16 Referans Kwoze

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Romiko lạgitʼ Pạul Apostolakʼ ciṭhi 11:26

Nonkate joto Israelko do bańcaoko ńama. Sonot sostorre olakana; Sion khon babańcaoicʼe hijukʼa; uni do Jakob bõsren hoṛko tala khon, bedhoromkoe ocokʼ giḍiya.

Romiko lạgitʼ Pạul Apostolakʼ ciṭhi 11:16

Sipiyakʼ holoṅ khon pạhil benaoakʼ piṭhạge sonotge khan enḍekhan ma sanam sipiyakʼ holoṅ hõ sonotge. Jạitun dare reakʼ rehetʼge sonotge khan ḍạrko hõ sonotgea.

Romiko lạgitʼ Pạul Apostolakʼ ciṭhi 11:5

Isor do onkage ńit hõ Israelkoe daya akokanteye bachao doho akatʼkoa.

Aposkạmi 15:17

Jemon eṭakʼ sanam hoṛko, metakʼme boṅgan hoṛ jạtrenko okoe do ińren menteko hoho ocokʼkan onko jemonko sendrayiń. Probhu Isor, okoe do noakoe kạmikan, unige noa katha doe menakada.’

Johan 7:2

Unre Jihudikoakʼ chạuni-porob do sor hecʼakan tahẽkana.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Luk 19:38

“Bhorangeae Probhu Isor ńutumte daraekanicʼ raj do; sermare suluk ar coṭ utạrkore ṭhonok.”

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Sakariạ 9:7

Onkoakʼ moca khon mãyãm sudhạ jel ar baronakʼ eṭakʼakʼ jomakʼ iń oḍoktakoa. Onko modre okoe jiwetʼko tahen onko do ińren hoṛko hoyokʼa; onko do Jihudạren mitʼṭen bõsren lekako hoyokʼa ar Ekron do Jebusiko lekae hoyokʼa.

Hosea 12:9

Menkhan E Ephrayim, ińge amren Probhu Isor do; ińge Misor khoniń oḍok ạguakatʼmea. Amakʼ niṭakatʼ porobko reakʼ okte leka arhõ am do tạmbureń tahẽocomea.

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Esra 3:4

Ona tayom onko do sostor reakʼ katha leka Chạuni porobko porobena ar niạm lekate dinạm hilokʼ reakʼ niṭakatʼ lekha leka jeredokʼ samaṅokʼakʼko samaṅetʼ tahẽkana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.