Sakariạ 14:11 - সান্তালী বাইবেল

¹¹ Onḍe do hoṛko girobasokʼa; ar Jerusalem do tishõ jarkharokʼ leka sarapakʼ do baṅ hoyokʼa. Ona do khạtirjoma akae tahena.

Sakariạ 14:11 Referans Kwoze

Johan sodor 22:3

Isor ar Bheḍa Hoponakʼ siṅghạson do ona nagrahare tahena ar uniren golamko do uniko sewawaea.

Amos 9:15

Israelko do akoakʼ disạmre dare lekań rohoekoa; okaṭakʼ disạmiń em akawatʼko onḍe khon onko do ar tishõ bako or totʼ giḍi ocokʼa.” Noa katha do aperen Probhu Isorgeye meneda.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.

Sakariạ 8:4

Umerte laha akan herel hoṛ ar maejiuko do arhõ Jerusalem reakʼ ṭhạ̃ire duṛupʼkate okteko khemaoa ar ḍher umer iạte onko mimitʼkoakʼ tire do ṭheṅga tahena.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Joel 3:20

Lahate noko do dusi menteń lekhaletʼkoa, menkhan ńitokʼ do onkoakʼ doskoń ikạkatakoa. Ar hoṛko do Jihudạre jaejugko girobasokʼa ar Jerusalemre do piṛhike piṛhi hạbicʼge, ar iń Probhu Isorge Sionreń tahena.”

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Jirimiạ 31:40

Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Numeri 21:3

Probhu Isor do onkoakʼ nehõre ańjomketʼtakoa ar Kananrenko do onkoakʼ tireye jimạkatʼkoa. Ar Israel hoponko do onkoakʼ atoko ar nagrahako maraoketʼtakoa. Ona iạte ona jaega reakʼ ńutum do Hormako (ona reakʼ mane do “ḍahao maraokʼ ”) dohokeda.

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.