Biblia Todo Logo
Bib sou entènèt

- Piblisite -




Sakariạ 14:10 - সান্তালী বাইবেল

10 Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Gade chapit la Kopi




Sakariạ 14:10
28 Referans Kwoze  

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.


Lebat, Silhim, Ayin ar Remon. Jotote bargel are goṭecʼ nagraha ar ona aḍe pase atokoko ńamletʼ tahẽkana.


Menkhan tinre uni do Benjạminakʼ phaṭok duạr ṭhene seṭerena, unre Iria ńutuman mitʼṭen pahradarkoren subedar do uni sapʼkedeteye metadea, “Am dom Kạldiko secʼ lạgidokʼ kana.” Nui Iria do Selemiạren hopone tahẽkana, ar Selemiạ do Hanaiạren hopon kanae.


Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.


Ona tayom Asa raj do Jihudạren sanamko cetanre hukume emkeda, ar okoe hõ bae badletʼkoa. Onate hoṛko do Ramare Basae beohar akatʼ dhiri ar sanam kaṭko idikeda. Ar Asa raj do onakote Benjạmin reakʼ Geba ar Mispa gaṛ lekae benaokeda.


Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.


Unre raj oṛakʼren mitʼṭen cạkrạ Kusi Ebed Melek doe ańjomkeda, Jirimiạ do kuńreko giḍi akadea. Ar raj do unre Benjạmin reakʼ phaṭok duạrreye duṛupʼ akan tahẽkana.


Maraṅ naeke Eliasib ar uni sãoten naekeko do kạmireko dhurạuente bhiḍi duạrko benao arokeda. Onko do Isor ńutumte onako sonotketʼte ona reakʼ silpińko lagaoada. Ona tayom Humaya gaṛ ar Hananel gaṛ hạbicʼ pạcriko gathaoketʼte ona banar hĩs hõko samaṅkeda.


Menkhan Benjaminren turui sae hoṛ do hahaṅkar reakʼ Rimon buruteko ńir paskaoena ar pon cando onḍegeko tahẽyena.


Ar Benjaminren sarecʼko do ạcurkate hahaṅkar reakʼ Rimon buru secʼko dạṛkeda ar Israelko do horrege onkoren mõṛẽ hajar hoṛko gocʼketʼkoa. Ona tayom hõ Israelko do gidom hạbicʼko khudạu idiketʼkote arhõ bar hajar hoṛko gocʼketʼkoa.


Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.


Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.


Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.


Ona tayom do Ephrayim phaṭok duạr, Jisana phaṭok duạr, Hako phaṭok duạr, Hananelakʼ gaṛ ar Saeko reakʼ gaṛ aṛete bhiḍi phaṭok duạr hạbicʼko senena. Ar ona tayom do horhokoakʼ phaṭok duạr hạbicʼ senkateko thirena.


Israelren raj Jehoahas do Bet-Semesre Ahasiaren goṛomtetʼ koṛa, metakʼme Joasren hopon Jihudạren raj Amasiại bondikedea. Ona tayom Jehoahas do Jerusalemte senkate onḍenakʼ pạcri reakʼ Ephrayim duạr khon konac reakʼ duạr hạbicʼ ponsae moka jeleń bhite rạputʼkeda.


Ar sarecʼ Liwiko, metakʼme Merariko do Sebulon gusṭi reakʼ ṭoṭha khon janwar ạtiń ṭạnḍi sudhạ Rimon ar Taborko ńamkeda.


Onkoakʼ eṭakʼ eṭakʼ atoko reakʼ ńutum do Oṭam, Onan, Rimmon, Tokhen ar Ason tahẽkana. Bakʼal hạbicʼ niạ mõṛẽ goṭecʼ ato beṛhaeteakʼ jaegako do onko tabere tahẽkana. Ar noakorege onko doko girobasokʼkan tahẽkana ar ako apnarakʼ mitʼṭecʼ bõs reakʼ tạlikako dohoyetʼ tahẽkana.


Inạ tayom onko jarwa akan Israelko do Rimon burute hoṛ kolkate Benjaminrenko sãote kathako roṛkeda ar sulukokʼko jạhirkeda.


Ona chaḍa Benjamin gusṭirenkoakʼ jaega khon hõ Gibeon, Geba, Anathot ar Almon ńutuman ponea ato ar nagraha ar onako sãoteakʼ aṭiń ṭạnḍi hõko emocoyena.


Israelren raj Jehoahas do Bet-Semesre Ahasiaren goṛomtetʼ koṛa, metakʼme Joasren hopon Jihudạren raj Amasiại bondikedea. Ona tayom Jehoas do Jerusalemte senkate onḍenakʼ pạcri reakʼ Ephrayim phaṭok duạr khon konac reakʼ phaṭok duạr hạbicʼ ponsae moka jeleń mitʼ hạṭińe rạputʼkeda.


Uni do Jirimiạ nạbiye dalkedete Probhu Isorakʼ oṛakʼ sor reakʼ cetan ṭhạ̃ire Benjamin phaṭok duạr ṭhen haṛi paṭakateye dohokadea.


Usiạ do Jerusalem reakʼ konacʼ duạr ṭhen, sokṛa duạr ṭhen, ar pạcri reakʼ konacre usulge pahra oṛakʼe benaoketʼte onakoe kajakkeda.


Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.


Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.


Swiv nou:

Piblisite


Piblisite