Sakariạ 14:1 - সান্তালী বাইবেল

¹ Probhu Isorakʼ nonkan din hijukʼ kana oka hilokʼ Jerusalemren hoṛkoakʼ jinisko luṭokʼtakoa ar onko samaṅrege hạṭińokʼa.

Sakariạ 14:1 Referans Kwoze

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Aposkạmi 2:20

Probhu Isorakʼ ona maraṅ ar ṭhonokte perecʼ dinko hijukʼ lahare, siń cando doe ńutokʼa; ar ńindạ cando do mãyãm lekae hoyokʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Malaki 4:5

“Ńelpe, Probhu Isorakʼ ona maraṅ ar botoranakʼ din ạuri hijukʼrege iń Probhu Isor do ape ṭhen Eliạ nạbiń kolea.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Sakariạ 14:14

Jihudạ hõ Jerusalem upạrteye lạṛhạiya. Aḍepase jạtrenkoakʼ dhon-durib, metakʼme ạḍi utạr sona, rupạ ar kiricʼ khạnḍwạkʼko jarwaea.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.