Biblia Todo Logo
Bib sou entènèt

- Piblisite -




Sakariạ 13:7 - সান্তালী বাইবেল

7 Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Gade chapit la Kopi




Sakariạ 13:7
76 Referans Kwoze  

Ado Jisu acʼren celakoe metatʼkoa, “Jotokoge iń iạte monrepe tạkijokʼa. Sonot sostorre ol akana, ‘gupiyicʼ iń mageya, onate bhiḍiko doko chirchạturokʼa.’


Unre Jisui metatʼkoa, “Niạ ńindạ ape jotoge ińrepe tạkijokʼa. Sonot sostorre ol akana, ‘gupiyicʼ iń mageya, enḍekhan palren bhiḍikoko chirchạturokʼa.’


Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.


Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.


Unre celako do uniko ńir bạgiyadea.


“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.


Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.


Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”


Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.


Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’


Enḍekhan maraṅ gupiyicʼe ńel ocokʼre ape do jit reakʼ mala lekate uniyakʼ ṭhonokren bhạgiyạdarkope hoyokʼa, ar ona do tis hõ baṅ mosodokʼtapea.


Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.


Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.


Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.


Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.


“Iń ar Baba doliń mitʼgea.”


“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.


Ińren Probhu Isore meneda, “Gur ocokʼ lạgitʼ okoe bheḍa palrenko ṭhik doho akan am do onkoren gupiyicʼge baṛe hoyokʼme.


Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;


Ona iạteń meneda, jãhãnakʼgeń cekae ariń roṛ onage uni do apeye baḍae ocopea.


Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.


“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.


Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”


Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiyạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.


Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.


Jãhãege noko kạṭicʼko modre mitʼ hoṛ ińren cela mente mitʼ bạṭi reaṛ dakʼe ńũ ocoye; sạrigeń metapekana, uni do oka lekate hõ acʼakʼ kuṛại do ohoe atʼletaea.”


“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.


“E manwa hopon, am do nạbi katha roṛme, Amonrenko ar onkoakʼ henosta reaṅ do Probhu Isore meneda, ‘mitʼṭecʼ tarwaṛe, mitʼṭecʼ tarwaṛe do gogocʼ lạgitʼ bocʼ akana; ona do jhalkao akana makʼrao lạgitʼ ar bijli leka malkaokʼ lạgitʼ.


Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.


Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.


Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.


Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.


Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.


Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,


Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”


Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.


Ente uni do Isor reakʼ rupane tahẽkanre Isor barabari tahen do luṭjoṅakʼ bae metatʼa.


Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”


Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?


Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.


Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.


Noko huḍińko modre jãhãege mitʼ goṭen kại horteye idiye enḍekhan uni do hoṭokʼre jante dhiri akawaete jalapurire khadle giḍikaege bhage hoyokʼa.


“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.


Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.


Nonkage, aperen sermare menae Babawakʼ hõ mone bạnukʼtaea; noko kạṭicʼko mod khon mitʼ goṭene adokʼ.


“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.


Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.


Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.


Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.


Ses okte do seṭer akana! Ape upạrte ona do rakapʼ akana, ar hecʼ seṭerakana!


Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.


Swiv nou:

Piblisite


Piblisite